Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » பாலிவுட் செய்திகள் »

பாலிவுட்டில் தொடரும் போதைப் பொருள் கலாச்சாரம்

05 அக், 2021 - 12:00 IST
எழுத்தின் அளவு:
Drugs-culture-continues-in-Bollywood

'பார்ட்டி' என்றாலே பாலிவுட் என்று சொல்லுமளவிற்கு ஹிந்தித் திரையுலகத்தில் அடிக்கடி பார்ட்டிகள் நடக்கும். பிறந்தநாள் பார்ட்டி, சினிமா நிகழ்ச்சிகள் என்றாலே பார்ட்டி என பல பிரபலங்கள் அப்படிப்பட்ட நிகழ்வுகளில் கலந்து கொள்வார்கள்.

குடிப்பது, கும்மாளம் அடிப்பது என சமயங்களில் வரம்பு மீறி நடந்த நிகழ்வுகளும் இருக்கின்றன என்கிறது பாலிவுட் வட்டாரம். இரு தினங்களுக்கு முன்பு நடிகர் ஷாரூக்கானின் மகன் ஆர்யன் கான் போதைப் பொருள் பயன்படுத்திய குற்றத்திற்காக கைது செய்யப்பட்டுள்ளார். அவருக்கு ஜாமீன் கிடைக்கவில்லை. விசாரணையின் போது ஆர்யன் கதறி அழுததாக பாலிவுட் வட்டாரங்கள் தெரிவிக்கின்றன. கடந்த நான்கு வருடங்களாகவே அவர் போதைப் பொருட்களைப் பயன்படுத்தி வருகிறார் என்றும் சொல்கிறார்கள். அது பற்றி தெரிந்திருந்தும் ஷாரூக் கான் தனது மகனைத் திருத்த முயற்சிக்கவில்லை என்றும் குற்றம் சாட்டுகிறார்கள்.

பாலிவுட்டில் போதைப் பொருள் பழக்கம் என்பது இன்று, நேற்றல்ல, பல காலமாகவே இருந்து வருகிறது. 1982ம் ஆண்டிலேயே நடிகர் சஞ்சய் தத் தடை செய்யப்பட்ட போதைப் பொருட்களைப் பயன்படுத்திய குற்றத்திற்காக கைது செய்யப்பட்டு ஐந்து மாதம் சிறையில் இருந்தார்.

கடந்த சில வருடங்களாக பாலிவுட்டில் இந்த போதைப் பொருள் கலாச்சாரம் அதிகமாகப் பரவி வந்திருக்கிறது. தெலுங்கு, கன்னடத் திரையுலகத்திலும் இது பரவி அங்கும் சில நடிகர்கள், நடிகைகளிடம் விசாரணை நடைபெற்று வருகிறது. நடிகைகள் சஞ்சனா கல்ரானி, ராகினி திவேதி ஆகியோர் கைது செய்யப்பட்டு சிறையில் அடைக்கப்பட்டு பின்னர் ஜாமீன் பெற்று வெளியில் வந்தனர்.

கடந்த வருடம் நடிகர் சுஷாந்த் சிங் ராஜ்புத் தற்கொலைக்குப் பிறகு அவரது காதலி ரியா சக்ரவர்த்தி போதைப் பொருள் விவகாரத்தில் கைது செய்யப்பட்டார். மேலும், பிரீத்திகா சவுகான், பார்தி சிங், ஷபானா சயீத், கபில் ஜாவேரி, அர்மான் கோலி, பர்தீன் கான் உள்ளிட்ட சிலர் கைது செய்யப்பட்டனர். இவர்களில் அர்மான் கோலிக்கு ஜாமீன் வழங்க நீதிமன்றம் மறுத்துவிட்டது.

கடந்த சில மாதங்களில் தீபிகா படுகோனே, சாரா அலிகான், ஷ்ரத்தா கபூர், ரகுல் ப்ரீத் சிங் உள்ளிட்டவர்களும் போதைப் பொருள் விவகாரத்தில் விசாரிக்கப்பட்டுள்ளனர்.

இளம் தலைமுறையினரிடம் போதைப் பொருள் விவகாரம் அவர்களது வாழ்க்கையை சீரழித்து வருகிறது. மத்திய அரசும், மாநில அரசும் போதைப் பொருள் கடத்தலைத் தடுத்து, அதை விற்பவர்கள் மீது கடும் நடவடிக்கை எடுத்து தண்டனை வழங்க வேண்டும் என்பதுதான் பொதுமக்களின் எதிர்பார்ப்பாக உள்ளது.

Advertisement
கருத்துகள் (0) கருத்தைப் பதிவு செய்ய
நாகினி மவுனிராய்க்கு திருமணம் : நீண்ட நாள் காதலரை மணக்கிறார்நாகினி மவுனிராய்க்கு திருமணம் : ... பிரதமரின் தூய்மை இந்தியா திட்டத்தை செயல்படுத்தும் ஜாக்குலின் பிரதமரின் தூய்மை இந்தியா திட்டத்தை ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Pizhai
    • பிழை
    • இயக்குனர் :ராஜவேல் கிருஷ்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Tamilarasan
    • தமிழரசன்
    • நடிகர் : விஜய் ஆண்டனி
    • நடிகை : ரம்யா நம்பீசன்
    • இயக்குனர் :பாபு யோகேஸ்வரன்
    dinamalar-advertisement-tariff-2018

    Tweets @dinamalarcinema

    Advertisement
    Copyright © 2021 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in