டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
கேரளா மக்களை பொறுத்தவரை ஓணம் திருநாள் கொண்டாட்டம் என்றால் அது அறுசுவை விருந்து சமைத்து உண்பதும், அன்றைய தினம் வெளியாகியுள்ள புதிய படங்களை தியேட்டர்களுக்கு குடும்பத்துடன் சென்று கண்டுகளிப்பதும் என இவை இரண்டும் தான் அன்றைய நாளை முழுமியாயானதாக்கும். ஆனால் தற்போது கேரளாவில் ஓணம் பண்டிகை களைகட்ட துவங்கி விட்டாலும் கூட, திரையுலகை பொறுத்தவரை கொரோனா இரண்டாவது அலை காரணமாக கடந்த வருடத்தை போல இந்த வருடமும் தியேட்டர்கள் திறப்பின்றி டல்லடித்தே கிடக்கிறது.
ஓணம் பண்டிகை முக்கிய நாள்.. என்றாலும் மலையாள ரசிகர்கள் ஓணம் பண்டிகையை முழுமையாக கொண்டாட முடியாத ஏக்கத்திலும் வருத்தத்திலும் இருக்கிறார்கள். அவர்கள் மனக்குறையை ஓரளவு தீர்ப்பது போல கடந்த சில நாட்களுக்கு முன் பிரித்விராஜ் நடித்த 'குருதி' திரைப்படம் ஒடிடி தளத்தில் வெளியானது. இதோ தற்போது சிறிய நடிகர்கள் நடித்துள்ள 'ஹோம்' என்கிற படம் ஓடிடியில் வெளியாகி நல்ல வரவேற்பை பெற்றுள்ளது..
அந்தவகையில் மலையாள ரசிகர்கள் பலரும் இந்த ஓணம் பண்டிகையை ஒடிடியில் ஏற்கனவே வெளியான தங்களுக்கு பிடித்தமான படங்களை பார்த்து ஓரளவுக்கு மன திருப்தி அடைந்து வருகிறார்கள். மேலும் அய்யப்பனும் கோஷியும், ஆண்ட்ராய்டு குஞ்சப்பன், தண்ணீர் மாத்தன் தினங்கள், போக்கிரி ராஜா, புலிமுருகன் என முந்தைய ஹிட் படங்களை பார்க்கும் பார்வையாளர்களின் எண்ணிக்கையும் இந்த ஓணம் பண்டிகை சீசனில் அதிகரித்துள்ளதாம்.