ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
தமிழ்த் திரையுலகத்தில் உள்ள சங்கங்களில் முக்கியமான ஒரு சங்கம் தென்னிந்திய திரைப்பட பத்திரிகை தொடர்பாளர் யூனியன். ஒரு திரைப்படத்தை மக்களிடம் கொண்டு செல்லக் காரணமாக இருப்பவர்கள் தான் இந்த திரைப்பட பத்திரிகை தொடர்பாளர்கள். அந்த சங்கத்திற்கு இரண்டு வருடங்களுக்கு ஒரு முறை தேர்தல் நடத்தி, நிர்வாகிகள் தேர்வு செய்யப்படுவார்கள். 2021 - 2023ம் ஆண்டிற்கான நிர்வாகிகளைத் தேர்ந்தெடுக்கும் தேர்தல் நாளை ஆகஸ்ட் 19ம் தேதி சென்னையில் நடைபெற உள்ளது.
இந்தத் தேர்தலில் இரண்டு அணிகள் நேருக்கு நேராகப் போட்டியிடுகின்றன. வெற்றி அணி சார்பில் தலைவர் பதவிக்கு டைமண்ட் பாபு, துணைத் தலைவர்கள் பதவிக்கு ராஜ்குமார், வி.கே.சுந்தர், செயலாளர் பதவிக்கு யுவராஜ், இணைச் செயலாளர்கள் பதவிக்கு கணேஷ்குமார், முத்துராமலிங்கம், பொருளாளர் பதவிக்கு ஆனந்த் ஆகியோரும், நலன் காக்கும் அணி சார்பில் தலைவர் பதவிக்கு ஜான், துணைத் தலைவர்கள் பதவிக்கு கோவிந்தராஜ், மதுரை செல்வம், செயலாளர் பதவிக்கு விஜய முரளி, இணைச் செயலாளர்கள் பதவிக்கு ராமானுஜம், செல்வரகு, பொருளாளர் பதவிக்கு குமரேசன் ஆகியோரும் போட்டியிடுகிறார்கள்.
9 செயற்குழு உறுப்பினர்களும் நாளைய தேர்தலில் தேர்ந்தெடுக்கப்பட உள்ளார்கள். மொத்தம் 69 உறுப்பினர்கள் வாக்களிக்க உள்ளார்கள். காலை ஆரம்பமாகும் வாக்குப் பதிவு மதியம் முடிவடைகிறது. அதன்பின் உடனடியாக வாக்குகள் எண்ணப்பட்டு முடிவுகள் அறிவிக்கப்படும்.