Dinamalar

விக்ரம் பிரபுவுக்கு திருப்பம் தரப்போகும் டாணாக்காரன்

புலிக்குத்தி பாண்டி படத்துக்குப் பிறகு விக்ரம் பிரபு நடிக்கும் படம் டாணாக்காரன். இந்தப் படத்தை பொட்டன்ஷியல் ஸ்டுடியோஸ் நிறுவனம் தயாரிக்கிறது வெற்றிமாறனிடம் விசாரணை, வடசென்னை, அசுரன், விடுதலை உள்ளிட்ட படங்களில் இணை இயக்குநராகப் பணியாற்றிய தமிழ் இயக்கி உள்ளார்.

விக்ரம் பிரபுவுக்கு நாயகியாக அஞ்சலி நாயர் நடித்துள்ளார். லால், எம்.எஸ்.பாஸ்கர், போஸ் வெங்கட் உள்ளிட்ட பலர் நடித்துள்ளனர். அனைத்துப் பணிகளும் முடிவடைந்து வெளியீட்டுக்குத் தயாராகியுள்ளது.

கும்கி படத்திற்கு பிறகு விக்ரம் பிரபு ஏராளமான படங்களில் நடித்து விட்டார். ஒரு சில படங்கள் திருப்தியை கொடுத்தது. ஆனால் பெரும்பாலான படங்கள் அவருக்கு பெரிய அளவில் கைகொடுக்கவில்லை. அதனால் விக்ரம் பிரபு டாணாக்காரன் படத்தில் அதிக கவனம் செலுத்தி நடித்தார். கடும் வெயிலில் திறந்தவெளி மைதானத்தில் பல நாட்கள் வெறும் காலுடன் நடித்திருக்கிறார். 7 கிலோ வரை எடையை குறைத்தார்.

இது போலீஸ் கதைதான். அதாவது பயிற்சி போலீசின் கதை. அரசு கல்லூரிகளில் இருப்பது போன்றே போலீஸ் பயிற்சியிலும் ராக்கிங், ஜாதி மோதல், அதிகாரிகளின் அதிகாரபோக்கு என பல விஷயங்கள் இருக்கிறது. அதுபற்றி பேசுகிறது படம். அதிகார திமிர் பிடித்த லாலுக்கும், போலீசில் சேர்ந்து குடும்பத்தையும், நாட்டையும் காப்பாற்ற துடிக்கும் விக்ரம் பிரபுவுக்கும் இடையிலான மோதல்தான் கதை.

இந்தப் படம் விக்ரம் பிரபுவின் சினிமா கேரியரில் மிக முக்கியமான இடத்தைப் பிடிக்கும் என்கிறார்கள். இந்தப் படத்தின் படப்பிடிப்பை வேலூர் மாவட்டத்தில் ஒரே கட்டமாக நடத்தி முடித்திருக்கிறார்கள். சமீபத்தில் வெளியிடப்பட்ட டீஸருக்கு நல்ல வரவேற்பு கிடைத்துள்ளது.

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  'கங்குவா' டிரைலரில் பாதி பார்வைகள் பெற்ற 'ரெட்ரோ' டிரைலர்
• 
  வரதட்சணை வாங்கி திருமணம் செய்து கொண்டேனா? ரம்யா பாண்டியன் கொடுத்த ...
• 
  சிவப்பு நிறத்தில் புதிய கார் வாங்கிய ஏ. ஆர். ரஹ்மான்!
• 
  ‛போய் வா நண்பா': ‛குபேரா' படத்தின் பர்ஸ்ட் சிங்கிள் வெளியானது!
• 
  இன்று திருமணம் செய்து கொண்ட பிக்பாஸ் காதல் ஜோடி அமீர்- பாவனி !