Dinamalar

தீவிர அரசியலில் ஈடுபடுவேன்: ஜாக்கிசான்

திரைப்பட நட்சத்திரங்கள் அரசியலுக்கு வருவதும், ஆட்சியை பிடிப்பது தமிழ்நாட்டில் மட்டுமல்ல உலக அளவிலும் உள்ளது. அமெரிக்க ஜனாதிபதியாக ரொனால்டு ரீகன் என்ற நடிகர் இருந்தார். அமெரிக்காவின் ஒரு மாகாணத்துக்கு கவர்னராக அர்னால்ட் இருந்தார். அந்த வரிசையில் தற்போது ஜாக்கிசானும் அரசியலுக்கு வருகிறார்.

ஹாங்காங்கை சேர்ந்த ஜாக்கிசானுக்கு இப்போது 67 வயதாகிறது. ஜாக்கிசான் என்றாலே ஆக்ஷன் படங்கள் தான். முதுமை காரணமாக அவரால் தற்போது ஆக்ஷன் படங்களில் நடிக்க முடியவில்லை. இதனால் இனி அரசியலில் ஈடுபட முடிவு செய்திருக்கிறார். தற்போது சீன திரைப்பட சங்க துணை தலைவராக இருக்கும் ஜாக்கிசான், பெய்ஜிங்கில் நடந்த திரைப்பட விழா ஒன்றில் கலந்து கொண்டு பேசியபோது தான் விரைவில் நேரடி அரசியலில் ஈடுபட இருப்பதாக அறிவித்தார்.

அவர் பேசியதாவது: சமீபகாலமாக சீனா வேகமாக முன்னேறி வருவதை பல நாடுகளுக்கு நான் செல்லும்போது உணர முடிகிறது. நான் சீன குடிமகனாக இருப்பதில் பெருமிதம் கொள்கிறேன். உலகம் முழுவதும் 5 நட்சத்திரங்கள் கொண்ட சிவப்புக் கொடிக்கு மரியாதை கிடைக்கிறது. கொடுத்த வாக்குறுதிகளை மிகக்குறைந்த காலத்திலேயே சீன கம்யூனிஸ்ட் கட்சி நிறைவேற்றி வருகிறது. அந்த கட்சியில் உறுப்பினராக சேர ஆர்வமாக இருக்கிறேன். சினிமாவில் நான் நினைத்ததையெல்லாம் சாதித்து விட்டேன். அதனால் இனி வரும் காலங்களில் தீவிர அரசியலில் ஈடுபட விரும்புகிறேன். என்றார்.

• 
  முதன்முதலாக குழந்தையை அறிமுகப்படுத்திய தீபிகா, ரன்வீர் சிங்
• 
  அட்லி - அல்லு அர்ஜூன் படம் ஒரு சினிமா புரட்சி! ரன்வீர் சிங் வெளியிட்ட தகவல்
• 
  அமிதாப் பச்சனின் தீபாவளி கொண்டாட்டத்தில் மகளுடன் ஆப்சென்ட் ஆன ஐஸ்வர்யா ...
• 
  ‛பேட்டில் ஆப் கல்வான்' படப்பிடிப்பில் சல்மான்கானுக்கு மொபைல் போன் ...
• 
  காதலருடன் ஹூமா குரேஷிக்கு நிச்சயதார்த்தம் நடந்ததா?

• 
  ரீ-ரிலீஸாகும் ‛தேவர் மகன்' பட பணிகள் : சிறுவன் பேசிய ‛கட்டபொம்மன்' ...
• 
  பிரபாஸின் 'ஸ்பிரிட்' படப்பிடிப்பு மேலும் 4 மாதங்களுக்கு ...
• 
  இளையராஜாவின் காப்புரிமை வழக்கு : சோனி நிறுவனம் வருமானம் தாக்கல்... அடுத்து ...
• 
  அக்டோபர் 31ம் தேதி 'காந்தாரா சாப்டர்-1' படத்தின் ஆங்கில பதிப்பு ...
• 
  டியூட் விவாதங்களை உருவாக்கி உள்ளது, ஆனால்... : பிரதீப் ரங்கநாதன்