Dinamalar

'அண்ணாத்த', 'பீஸ்ட்' டுக்கு முன்பே 'வலிமை' வெளியீடு ?

தமிழ் சினிமா உலகில் அடுத்து வெளியாக உள்ள படங்களில் அதிக எதிர்பார்ப்புகளை 'அண்ணாத்த, பீஸ்ட், வலிமை' ஆகிய படங்கள் ஏற்படுத்தி உள்ளன. இவற்றில் ரஜினிகாந்த் நடிக்கும் 'அண்ணாத்த' படம் இந்த வருட தீபாவளி தினமான நவம்பர் 4ம் தேதி வெளியாகும் என்று மீண்டும் உறுதி செய்துவிட்டார்கள். விஜய் நடித்து வரும் 'பீஸ்ட்' படத்தின் இரண்டாம் கட்டப் படப்பிடிப்பு நேற்று முதல் தான் ஆரம்பமாகி உள்ளது. இப்படம் அடுத்த ஆண்டு பொங்கல் தினத்தை முன்னிட்டு தான் வெளிவரும்.

அஜித் நடித்து வரும் 'வலிமை' படத்திற்காக இன்னும் ஒரு முக்கியமான சண்டைக்காட்சியை படமாக்க வேண்டியுள்ளதாம். இதற்கான படப்பிடிப்பு விரைவில் ஐதராபாத்தில் நடக்கும் எனச் சொல்கிறார்கள். அது முடிந்தாலும் படத்தை அடுத்த மாதம் ஆகஸ்ட் 15ம் தேதி வெளியிட வாய்ப்பில்லை. மிகக் குறுகிய நாட்களே உள்ளது.

எனவே, படத்தை அதற்கடுத்து வரும் பண்டிகை நாட்களில் ஒன்றில்தான் வெளியிட வேண்டியிருக்கும். அப்படிப் பார்த்தால் செப்டம்பர் 10ம் தேதி வினாயகர் சதுர்த்தி தினமும், அக்டோபர் 14 ஆயுத பூஜை தினமும் வர உள்ளது. அந்த இரண்டு நாட்களில் ஏதாவது ஒரு நாள் படத்தை வெளியிடப் பொருத்தமான நாளாக இருக்கும். தீபாவளி வரை 'வலிமை' படத்தின் வெளியீட்டை தள்ளி வைக்க மாட்டார்கள் என்றும் கோலிவுட்டில் தெரிவிக்கிறார்கள்.

'வலிமை' அப்டேட் வெளிவரும் போது படத்தின் வெளியீட்டுத் தேதிக்கான அறிவிப்பும் வரும் என்று எதிர்பார்க்கப்படுகிறது.

• 
  நான் விளம்பரப்படுத்தியது குட்காவை அல்ல ஏலக்காயை.. சல்மான் கான் சமாளிப்பு ...
• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி

• 
  மன வருத்ததுடன் பாலிவுட் பக்கம் கவனத்தை திருப்பும் ராஷி கண்ணா ; காரணம் ...
• 
  பிளாஷ்பேக்: ஒரே மாதிரியான கதை... வென்றவர் பி ஆர் பந்துலு... வீழ்ந்தவர் கவிஞர் ...
• 
  பொதுவெளியில் எப்படி பேசுவது என்று எனக்குத் தெரியவில்லை ; விநாயகன் பளிச்
• 
  தென்னிந்திய படங்களை தவிர்ப்பது ஏன் ? மனம் திறந்த சுனில் ஷெட்டி
• 
  சித்தார்த் அப்படிப்பட்டவர் இல்லை! - கார்த்திக் ஜி கிரிஷ்