Dinamalar

காஜல் அகர்வாலின் கட்டுப்பாடு

"துப்பாக்கி படத்தின் வெற்றிக்கு பின்,  தமிழிலும் பெருவாரியான ரசிகர்களை கவர்ந்த நடிகையாகி விட்டார்,  காஜல் அகர்வால். அதனால் தெலுங்கில் முன்னணி இடத்தை தொடர்ந்து தக்க வைத்து வருவது போல்,  தமிழிலும் முன்னணி நடிகையாகும் முயற்சியில் ஈடுபட்டுள்ளார். அடுத்து, கார்த்தியுடன், "ஆல் இன் ஆல் அழகு ராஜா படத்தில் நடிக்கவிருக்கும் காஜல், அடுத்தடுத்து விஜய், அஜீத்  என்று முன்னணி ஹீரோக்களுடன்  நடிப்பதற்காகவும் பேசி வருகிறார். இந்த நிலையில் தன் உடம்பை பேணி பாதுகாக்கும் முயற்சியிலும் ஈடுபட்டுள்ள அவர், யூனிட் உணவுகள் எதையுமே எடுத்துக்  கொள்ளாமல் தனக்கென்றே ஒரு பிரத்யேக சமையல் நிபுணரை நியமித்துள்ளார். உடலை மினுமினுப்பாக வைத்திருக்க,  பழங்கள், பச்சை காய்கறிகளான உணவுகளை மட்டுமே எடுத்து வருகிறார், காஜல்.

• இவரை பற்றி
• செய்திகள்
• ஆல்பம்