நிறைவேறாமல் போன கோ குழுவினரின் ஆசை - Karthika shocks over KV Anand dead : Ko teams desire unfulfilled

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

நிறைவேறாமல் போன 'கோ' குழுவினரின் ஆசை

30 ஏப், 2021 - 12:56 IST

எழுத்தின் அளவு:

திடீரென மாரடைப்பால் இன்று மறைந்த இயக்குனர் கே.வி.ஆனந்த் மறைவு திரையுலகினரை அதிர்ச்சியில் ஆழ்த்தியுள்ளது. இயக்குனர் எஸ்.பி.ஜனநாதன், நடிகர் விவேக் ஆகியோரது அகால மரணம் அதிர்ச்சியை ஏற்படுத்தியது போலவே இவரது மரணமும் அதிர்ச்சியை ஏற்படுத்தியுள்ளது.

கே.வி.ஆனந்த் இயக்கத்தில் வெளிவந்த படங்களில் 'கோ' ஒரு முக்கியமான படம். ஒரு பரபரப்பான அரசியல் படமாக பத்து வருடங்களுக்கு முன்பு 2011ம் ஆண்டு ஏப்ரல் 22ம் தேதியன்று இப்படம் வெளியானது. பத்து வருடத்தை நினைவு கூறும் வகையில் படத்தில் கதாநாயகியாக அறிமுகமான நடிகை கார்த்திகா நாயர் கடந்த வாரம் 'கோ' படப்பிடிப்புப் புகைப்படங்கள் சிலவற்றைப் பதிவிட்டு நினைவு கூர்ந்திருந்தார்.

அந்தப் புகைப்படங்களில் இயக்குனர் கே.வி.ஆனந்த் இல்லை. அதனால், 'நான் எங்கே ?' என கார்த்திகாவின் டுவீட்டில் கமெண்ட் போட்டிருந்தார். அதற்கு கார்த்திகா, “நாம் ஒரு ரியூனியன் நடத்தி நிறைய புகைப்படங்கள் எடுப்போம்” என பதிலளித்திருந்தார்.

இந்த சுவாரசியமான டுவிட்டர் பதிவுகள் நடந்து ஒரு வாரம் ஆகியுள்ள நிலையில் கே.வி.ஆனந்த் மறைவு பலருக்கும் அதிர்ச்சியைக் கொடுத்துள்ளது.

“இது பொய்யான செய்தி என யாராவது சொல்லுங்களேன் ப்ளீஸ், இதை நம்ப குழப்பமாக இருக்கிறது,” என கே.வி.ஆனந்த் மரண செய்தி கேட்டு அதிர்ச்சியுடன் பகிர்ந்துள்ளார் கார்த்திகா.

கே.வி.ஆனந்த் இயக்கிய படங்களில் பணியாற்றிய பிரபலங்களுக்கு அவரது மரணம் கடும் அதிர்ச்சியை ஏற்படுத்தியுள்ளது..

KVAnand

RIPKVAnand

Karthikanair

Komovie

கருத்துகள் (0) கருத்தைப் பதிவு செய்ய

மூத்த குணசித்திர நடிகர் செல்லதுரை ...

தொடர் மரணங்கள் : அதிர்ச்சியில் தமிழ் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய