Dinamalar

டிவி ரேட்டிங் - 'விஸ்வாசம்' சாதனையை முறியடிக்காத 'மாஸ்டர்'

தமிழ் சினிமாவில் ஒருவருக்கொருவர் போட்டியாக இருக்கும் நடிகர்களில் விஜய், அஜித் இருவரும் மிக முக்கியமானவர்கள். இவர்களது படங்கள் எவ்வளவு வசூலித்தது, எப்படிப்பட்ட வரவேற்பு கிடைத்தது என்பதுதான் அவர்களுடைய ரசிகர்களின் வாக்குவாதமாக உள்ளது

தியேட்டர் வசூலில் எப்படியான போட்டி இருக்கிறதோ அப்படியே டிவி ஒளிபரப்பிலும் அவர்களது படங்களின் ரேட்டிங் எப்படி இருக்கும் என்பது குறித்தும் அவர்களது ரசிகர்கள் மோதிக் கொள்வார்கள்.

விஜய், விஜய் சேதுபதி, மாளவிகா மோகனன் நடித்த 'மாஸ்டர்' படம் கடந்த ஏப்ரல் 14ம் தேதி டிவியில் முதல் முறையாக ஒளிபரப்பானது.

இப்படத்தின் ரேட்டிங் இன்று வெளிவந்தது. அதன்படி அப்படத்தின் தடப்பதிவு 1,37,55,000 ஆக மட்டுமே கிடைத்துள்ளது. 'பிகில்' படத்திற்குக் கிடைத்த ரேட்டிங்கை விடவும் இது குறைவுதான்.

டிவி ரேட்டிங்கைப் பொறுத்தவரையில் இதுவரையில் 'விஸ்வாசம்' படம்தான் 1,81,43,000 தடப்பதிவுகளுடன் முதலிடத்தில் உள்ளது. அந்த சாதனையை 'மாஸ்டர்' படம் முறியடிக்குமா என்ற கேள்வியும் கடந்த வாரம் எழுந்தது.

இரண்டு வருடங்களாக முறியடிக்கப்படாமல் இருக்கும் 'விஸ்வாசம்' சாதனையை 'மாஸ்டர்' முறியடித்துவிடும் என்றும் எதிர்பார்த்தார்கள். விஜய், விஜய் சேதுபதி என இரு முக்கிய நடிகர்களின் படம் என்பதும் அதற்குக் காரணமாக இருந்தது. ஆனாலும், எதிர்பார்த்தபடி டிவி ரேட்டிங் அமையவில்லை.

'மாஸ்டர்' படம் ஒளிபரப்பான அதே நேரத்தில் 'குத் வித் கோமாளி' நிகழ்ச்சியின் இறுதிப் போட்டி விறுவிறுப்பாக ஒளிபரப்பாகிக் கொண்டிருந்தது. அந்த போட்டியையும் 'மாஸ்டர்' சமாளிக்க முடியாமல் போயிருக்கிறது.

டாப் டிவி ரேட்டிங் பெற்ற படங்கள்

விஸ்வாசம் - 1,81,43,000

பிச்சைக்காரன் - 1,76,96,000

சர்க்கார் - 1,69,06,000

சீமராஜா - 1,67,66,000

பிகில் - 1,64,73,000

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  ரஜினியின் 'ஜெயிலர்-2' படத்தில் இணைந்த ஹிந்தி நடிகை அபேக்ஷா போர்வல்!
• 
  15 கிலோ எடை குறைத்த கிரேஸ் ஆண்டனி!
• 
  கோவா சர்வதேச திரைப்பட விழாவில் திரையிடப்படும் அமரன்!
• 
  சூர்யாவின் 'கருப்பு' படத்தின் கிளைமாக்ஸை மாற்றும் ஆர்.ஜே.பாலாஜி!
• 
  விக்னேஷ் சிவனை தொடர்ந்து ரோல்ஸ் ராய்ஸ் ஸ்பெக்டர் எலக்ட்ரிக் கார் ...