Dinamalar

மீண்டும் வரப்போகும் 'சூப்பர் ஸ்டார்' சர்ச்சை

தமிழ் சினிமாவையும், நடிகர்களுக்கு வைக்கப்படும் பட்டப் பெயர்களையும் பிரிக்கவே முடியாது. புரட்சித் தலைவர் என்பதிலிருந்து புரட்சித் தளபதி வரை எத்தனையோ பட்டப் பெயர்கள் தமிழ் சினிமாவில் பரவிக் கிடக்கிறது.

சமயங்களில் அந்த பட்டப் பெயர்கள் கூட சர்ச்சையை ஆரம்பித்து வைக்கும். சில ஆண்டுகளுக்கு முன்பு அடுத்த சூப்பர் ஸ்டார் என்ற ஒரு சர்ச்சை எழுந்தது. அஜித், விஜய் இருவரில் யார் அதற்குப் பொருத்தமானவர்கள் என்று பரபரப்பாக செய்திகள் வெளிவந்தன. ஆனால், பலரும் சூப்பர் ஸ்டார் என்றால் அது ரஜினிகாந்த் மட்டும்தான் என்று சொல்லி அந்த சர்ச்சைக்கு ஒரு முடிவு கொடுத்தனர்.

இப்போது மீண்டும் அந்த 'சூப்பர் ஸ்டார்' சர்ச்சை ஆரம்பமாகலாம் எனத் தெரிகிறது. 'இளைய தளபதி' விஜய், 'தளபதி' விஜய் ஆக பிரமோஷன் ஆனதால், 'லிட்டில் சூப்பர் ஸ்டார்' சிம்பு இனி வரப் போகும் படங்களில் 'சூப்பர் ஸ்டார்' என மாற்றிக் கொள்ளலாமா என யோசித்து வருகிறாராம்.

அதற்கு முன்னோட்டமாக அடுத்து அவர் நடிக்க உள்ள ஒரு படத்திற்கு 'சூப்பர் ஸ்டார்' என்று தலைப்பு வைத்துப் பார்க்கவும் முடிவு செய்துள்ளார்களாம். எப்படியும் இந்தத் தகவல்கள் செய்திகளாக வெளியாகும். அதற்கு என்ன ரியாக்ஷன் கிடைக்கிறது என்பதைப் பொறுத்து மாற்றங்கள் நடக்கலாம் என்கிறார்கள்.

• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி

• 
  ஏ.ஆர்.ரஹ்மான் வழக்கறிஞர் எச்சரிக்கை
• 
  ஹரிஷ் கல்யாணுக்கு ஜோடியாகும் ‛ஸ்டார்' பட நடிகை
• 
  நிலவுக்கு என்மேல் என்னடி கோபம் படப்பிடிப்பு நிறைவு பெற்றது
• 
  துப்பாக்கிய பிடிங்க : விஜய்யின் பெருந்தன்மை - சிவகார்த்திகேயன் ...
• 
  விஷ்ணு விஷால் படத்தில் நிகழ்ந்த மாற்றம்