Dinamalar

இயக்குனர் ஜோதி கிருஷ்ணா திருமணம்: கமல் நேரில் வாழ்த்து

பிரபல தயாரிப்பாளர் ஏ.எம்.ரத்தினத்தின் மகனும், இயக்குனரும், நடிகருமான ஜோதிகிருஷ்ணா-ஐஸ்வர்யா திருமணம் சென்னையில் உள்ள நட்சத்திர ஓட்டலில் நேற்று (நவம்பர் 23) நடந்தது. மணமக்களை கமல்ஹாசன், இயக்குனர் ஷங்கர், விஷ்ணுவர்த்தன் உள்பட பலர் நேரில் சென்று வாழ்த்தினர். ரஜினி, விஜய், விக்ரம் வாழ்த்து செய்தி அனுப்பி இருந்தனர். இந்த திருமண விழா நட்சத்திர ஓட்டலில் நடந்தாலும் மிக எளிமையாக நடந்தது. ஏ.எம்.ரத்தினம், மற்றும் ஜோதி கிருஷ்ணாவுக்கு நெருக்கமான நண்பர்களும் உறவினர்களுமே இதில் கலந்து கொண்டனர். வரவேற்பு நிகழ்ச்சி 26ந் தேதி நடக்கிறது. இதில் திரையுலக பிரமுகர்கள் கலந்து கொள்கிறார்கள்.

• செய்திகள்
• ஆல்பம்