Dinamalar

பிக்பாஸ் 5 போட்டியாளர்கள் பற்றி இணையதளத்தில் பரவும் செய்தி

கொரோனா பிரச்னையால் கடந்தாண்டு ஜூன் மாதமே தொடங்க வேண்டிய பிக்பாஸ் சீசன் 4 நிகழ்ச்சி தாமதமாக அக்டோபர் மாதத்தில் தொடங்கி ஜனவரியில் முடிவடைந்தது. இந்த சீசனில் வெற்றியாளராக நடிகர் ஆரி தேர்வானார்.

இந்தாண்டு வழக்கம் போல் பிக்பாஸ் சீசன் 5 ஜூன் அல்லது ஜூலையில் தொடங்கும் எனத் தெரிகிறது. நிகழ்ச்சி தயாரிப்பாளர்கள் போட்டியாளர்களைத் தேர்வு செய்வதில் தீவிரமாக செயல்பட்டு வருவதாகக் கூறப்படுகிறது.

எனவே வழக்கம்போல் பலரது பெயர்கள் இப்போதே பிக்பாஸ் போட்டியாளர்கள் என சமூகவலைதளங்களில் வைரலாகத் தொடங்கி விட்டது. அந்தவகையில் பிக் பாஸ் சீசன் 5ல் பிரபல வில்லன் நடிகர் மன்சூர் அலிகானும் ஒரு போட்டியாளராகக் கலந்து கொள்வார் என்றும், அவரிடம் பேச்சுவார்த்தை நடந்து வருவதாகவும் ஒரு தகவல் வைரலாகியுள்ளது.

லோக்சபா தேர்தலின் போது வேட்பாளராக களமிறங்கிய மன்சூர் அலிகான், தனது பேச்சு மற்றும் நடவடிக்கைகளால் ஊடகங்களில் பேசுபொருளாக இருந்தார். இதனாலேயே அவர் கடந்த சீசனில் போட்டியாளராக இருப்பார் என எதிர்பார்க்கப்பட்டது குறிப்பிடத்தக்கது.

இதேபோல், ஒவ்வொரு சீசனிலும் ஒரு பாடகர் போட்டியாளராக இருந்து வருகின்றனர். அதன் அடிப்படையில் இந்த சீசனில் பாடகர் அந்தோணி தாசனும் ஒரு போட்டியாளராக களமிறங்க இருப்பதாகக் கூறப்படுகிறது.

இந்தத் தகவல்கள் உண்மைதானா அல்லது வழக்கம் போல் வதந்தியா என்பது பிக் பாஸ் சீசன் 5 நிகழ்ச்சி ஆரம்ப நாளன்றுதான் தெரிய வரும்.

• 
  மனநல தூதர் ஆனார் தீபிகா
• 
  செருப்பு அணிந்து அபுதாபி மசூதிக்குள் சென்றாரா சோனாக்ஷி சின்ஹா?
• 
  பண்ணை வீடு திருட்டு சம்பவம் ; துப்பாக்கி லைசென்ஸுக்கு விண்ணப்பித்த ...
• 
  சுஹர்ஷ் ராஜ் நடித்த மியூசிக் வீடியோ: அனூப் ஜலோடா, பாடகி மதுஸ்ரீ பாராட்டு
• 
  ஹ்ரித்திக் ரோஷன் தயாரிப்பில் உருவாகும் புதிய வெப் தொடர்

• 
  அக்கா, தங்கை, அம்மாவாக நடிப்பேன்: ரஜிஷா விஜயன்
• 
  அன்றும்... இன்றும்... மணிகண்டனின் தன்னம்பிக்கைப் பதிவு
• 
  சினிமா வருமானம் போச்சு: அமைச்சர் பதவியை ராஜினாமா செய்ய சுரேஷ் கோபி முடிவு
• 
  திருத்தங்களுடன் வெளிவருகிறது 'அஞ்சான்'
• 
  எனக்கு படங்கள் இல்லையா? : மொய் விருந்தில் ஆவேசமான ஐஸ்வர்யா ராஜேஷ்