Dinamalar

10 ஆண்டுகளுக்கு பின் தமிழில் படம் இயக்கும் கே.வி.குகன்

தென்னிந்திய சினிமாவின் முன்னணி ஒளிப்பதிவாளர் கே.வி.குகன். குஷி படத்தின் மூலம் அறிமுகமான இவர் அதன் பிறகு நியூ, மொழி, முனி, வெள்ளித்திரை, தோனி, பெங்ளூரு நாட்கள் உள்பட பல படங்களுக்கு ஒளிப்பதிவு செய்துள்ளார்.

10 வருடங்களுக்கு முன்பு இனிது இனிது என்ற படத்தை இயக்கினார். இது ஹேப்பி டேஸ் என்ற தெலுங்கு படத்தின் ரீமேக் ஆகும். பிரகாஷ்ராஜ் தயாரித்திருந்தார். அதன்பிறகு கடந்த ஆண்டு 118 என்ற தெலுங்கு படத்தை இயக்கினார். இந்த திரில்லர் திரைப்படம், நல்ல வரவேற்பை பெற்றது. பல தென்னிந்திய மொழிகளில் இப்படம் டப் செய்யப்பட்டது.

தற்போது “WWW (who, where, why)” எனும் தலைப்பில் புதிய படத்தை இயக்குகிறார். திரில்லர் படமாக உருவாகும் இப்படத்தில் ஆதித் அருண், ஷிவானி ராஜசேகர் முதன்மை கதாப்பாத்திரங்களில் நடித்துள்ளனர். இப்படம் தமிழ், தெலுங்கு என இரு மொழிகளிலும் ஒரே நேரத்தில் தயாராகிறது.

படம் பற்றி கே.வி.குகன் கூறியதாவது: இந்த படம் ரசிகர்களை பலவிதங்களில் ஆச்சர்யபடுத்துவதோடு மட்டுமல்லாமல், படத்தின் கதைப்போக்குடன் சேர்ந்து ரசிகர்களும் விடை தேடும்விதமாக அமைந்து இருக்கும். எனது முதல் தெலுங்கு மொழி படமாக வெளியான 118 படத்திற்கு, ரசிகர்கள் கொடுத்த பெரும் ஆதரவு, எனக்கு மேலும் பொறுப்புணர்வை கொடுத்துள்ளது.

118 திரைப்படம் தெலுங்கில் மட்டுமல்லாது, மொழிப்பெயர்ப்பு செய்து வெளியிட்ட பகுதிகளிலும், நல்ல வரவேற்பை பெற்றது. இந்த வெற்றி தான் இரு மொழிகளிலும், ஒருசேர படத்தை எடுப்பதற்கான உத்வேகத்தை எனக்கு தந்துள்ளது. தியேட்டரில் இப்படம் ரசிகர்களுக்கு புது அனுபவமாகவும், சுவாரஸ்யமாகவும் இருக்குமென நம்புகிறேன். என்றார்.

• 
  'ரெய்டு-2' படத்தில் தமன்னாவின் 'நாஷா' கிளாமர் பாடல் வெளியீடு!
• 
  எனது கதையைத்தான் திருடி இருக்கிறார்கள் : 'லாபத்தா லேடிஸ்' கதாசிரியர் ...
• 
  ஆளே இல்லாத வீட்டிற்கு ஒரு லட்சம் கரண்ட் பில் : கங்கனா ஏற்படுத்திய ...
• 
  ஷாருக்கான் மகளுக்கு அம்மாவாக நடிக்கும் தீபிகா படுகோன்
• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து

• 
  சோசியல் மீடியாவில் விமர்சித்த ரசிகர்களுக்கு திரிஷா கொடுத்த கமெண்ட்!
• 
  வேறு வழியின்றி விஜய் படத்தை இயக்கினேன் ; தங்கர் பச்சான் மகன் பட விழாவில் ...
• 
  அஜித் குறித்து நெகிழ்ச்சி பதிவிட்ட பிரியா பிரகாஷ் வாரியர்
• 
  'மதராஸி' படத்தின் ரிலீஸ் தேதி குறித்து புதிய அப்டேட்!
• 
  ராகவா லாரன்ஸின் 'காஞ்சனா 4, பென்ஸ்' படங்களின் நிலவரம் என்ன?