Dinamalar

'கேஜிஎப் 2 டீசர்' வரவேற்பு : கன்னடத் திரையுலகினர் மகிழ்ச்சி

தென்னிந்தியத் திரையுலகில் அதிகம் கவனிக்கப்படாத ஒரு திரையுலகமாக கன்னடத் திரையுலகம் இருந்து வந்தது. அவ்வப்போது சில நல்ல படங்கள் கன்னடத்தில் வெளிவந்தாலும் அவை அந்த மாநிலத்தைத் தவிர வேற்று மாநிலங்களில் பெரிய அளவில் வரவேற்பைப் பெற்றதில்லை.

அந்த நிலையை 2018ம் ஆண்டு வெளிவந்த 'கேஜிஎப்' படம் முற்றிலும் மாற்றியது. தென்னிந்திய மொழிகளில் டப்பிங் செய்யப்பட்டு வெளியான அப்படம் ஹிந்தியிலும் டப்பிங் செய்யப்பட்டு அங்கும் குறிப்பிடத்தக்க வெற்றியைப் பெற்றது. அதனால், இரண்டாம் பாகத்தில் பாலிவுட் நடிகர்களான சஞ்சய் தத், ரவீனா டான்டன் ஆகியோரை முக்கியக் கதாபாத்திரங்களில் நடிக்க வைத்தனர்.

நேற்று, 'கேஜிஎப் சேப்டர் 2' படத்தின் டீசர் வெளியிடப்பட்டது. வெளியான சில மணி நேரங்களிலேயே பல புதிய சாதனைகளை அந்த டீசர் படைத்து வருகிறது. 5 கோடி பார்வைகளையும், 3 மில்லியன் லைக்குகளையும் கடந்துள்ளதாக தயாரிப்பு நிறுவனம் அறிவித்துள்ளது.

ஒரு கன்னடப் படத்திற்கு இந்த அளவிற்கு இந்திய சினிமா ரசிகர்கள் மத்தியில் வரவேற்பு கிடைப்பது குறித்து கன்னடத் திரையுலகினர் பலரும் அவர்களது மகிழ்ச்சியை சமூக வலைத்தளங்களில் வெளிப்படுத்தி வருகிறார்கள். அது மட்டுமல்ல மற்ற திரையுலகினரும் டீசரைப் பாராட்டி வருகிறார்கள்.

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  ரஜினி, கமல் கூட்டணி படம் : பிரதீப் ரங்கநாதன் பதில்
• 
  விஜய் ஆண்டனியின் அடுத்தபடம் பற்றிய தகவல்
• 
  நாகர்ஜூனாவின் 100வது படம் தொடங்கியது
• 
  பான் இந்தியா படம் : பிரசாந்த் ஆர்வம்
• 
  நான் அவனில்லை : இயக்குனர் பாரதி கண்ணன் விளக்கம்