Dinamalar

சமந்தாவை டார்கெட் பண்ணும் கீர்த்தி சுரேஷ்!

விஜய்யுடன் தான் நடித்து வரும் பைரவா படத்தை தனது கேரியரில் மிக முக்கியமான படமாக நினைக்கிறார் கீர்த்தி சுரேஷ். அதனால் இந்த படத்திற்கு கால்சீட் கொடுத்திருந்த நேரத்தில் எந்த படங்களையும் அவர் ஏற்கவில்லை. பைரவா படத்தில் நடித்து முடித்த பிறகு மற்ற படங்களில் நடிப்பேன் என்று உறுதியாக கூறி வந்தார். அதன்காரணமாக அவர் கமிட்டான தெலுங்கு படங்களின் படப்பிடிப்புகளில்கூட இன்னும் கலந்து கொள்ளவில்லை. கடந்த சில மாதங்களாகவே பைரவா படப்பிடிப்பில்தான் பிசியாக இருந்து வருகிறார் கீர்த்தி சுரேஷ்.

மேலும், தற்போது இறுதிகட்டத்தை நெருங்கி விட்ட பைரவா படத்தில் விஜய் வில்லன்களுடன் மோதிக்கொள்ளும் சண்டை காட்சி தற்போது ராஜமுந்திரியில் படமாக்கப்பட்டு வரும் நிலையில், சில சேஸிங் காட்சிகளும் படமாக்கப்பட உள்ளது. இதையடுத்து பைரவா படத்தின் இரண்டு டூயட் பாடல்கள் படமாக்கப்பட உள்ளது. மொத்தமுள்ள 5 பாடல்களில் மூன்று பாடல்களை படமாக்கி விட்ட நிலையில், மீதமுள்ள இரண்டு பாடல்களை ஐரோப்பாவில் படமாக்க திட்டமிட்டுள்ளனர்.

முன்னதாக, இந்த இரண்டு பாடல்களிலும் விதவிதமான காஸ்டியூமில் ஜொலிக்கப்போகும் கீர்த்தி சுரேஷ், நடனத்திலும் விஜய்யுடன் கத்தி, தெறி படங்களில் சமந்தா ஆடியதற்கு இணையாக தானும் நடனமாடி ரசிகர்களிடம் அபிமானத்தை பெற்று விட வேண்டும் என்பதற்காக, அந்த பாடல்களின் படப்பிடிப்புக்கு செல்வதற்கு முன்னதாக ரிகர்சல் பார்த்துக்கொண்டு களமிறங்கவும் முடிவெடுத்துள்ளார் கீர்த்தி சுரேஷ்.

• இவரை பற்றி
• செய்திகள்
• ஆல்பம்