Dinamalar

ஹீரோ வாய்ப்புக்காக வில்லனாக நடித்த கார்த்திக்

1984ம் ஆண்டு வெளிவந்த படம் நல்லவனுக்கு நல்லவன். ஏவிஎம் நிறுவனம் தயாரித்த இந்தப் படத்தை எஸ்.பி.முத்துராமன் இயக்கினார். ரஜினி, ராதிகா ஹீரோ, ஹீரோயின். துளசி, மேஜர் சுந்தர்ராஜன், விசு, ஒய்.ஜி.மகேந்திரன், வி.கே.ராமசாமி உள்பட பலர் நடித்திருந்தார்கள். இளையராஜா இசை அமைத்திருந்தார். பாபு ஒளிப்பதிவு செய்திருந்தார்.

இந்தப் படம் ஒரு தொழிலாளியின் கதை. ரஜினி தாதாவாக இருந்து பின்பு மனம் திருந்தி தொழிலாளியாக வேலை செய்வார். நஷ்டத்தில் இயங்கிய தொழிற்சாலையை லாபமாக மாற்றுவார். ஆனால் முதலாளி மகன் குடியும் குடித்தனமுமாக இருந்து கேட்பார் பேச்சு கேட்டு தொழிலாளர்களை எதிர்ப்பார் துரோகியின் பேச்சை கேட்டு அப்பாவின் சொத்துக்களை எழுதி வாங்குவார். பின்பு அந்த துரோகிகளே அவரை தீர்த்துக்கட்டி சொத்துக்களை அபகரிக்கும்போது ரஜினி அவரை காப்பாற்றுவது கதை.

இந்த கதையில் முதலாளி மகனாக ஒரு ஹீரோவை நடிக்க வைத்தால் புதுமையாக இருக்கும் என்று கருதிய இயக்குனர் எஸ்.பி.முத்துராமன் அப்போது கொஞ்சம் தோல்விகளை சந்தித்துக் கொண்டிருந்த கார்த்திக்கை அணுகினார். அவரோ கோடி ரூபாய் கொடுத்தாலும் வில்லனாக நடிக்க மாட்டேன் என்று மறுத்துவிட்டார்.

ஆனால் ஏவிஎம். சரவணன் கார்த்திக்கிடம் பக்குவமாக பேசினார் "நீங்கள் நல்லவர்தான் மற்றவர்கள் உங்களை தவறாக வழிகாட்டி கெட்டவனாக்குகிறார்கள். அதனால் நீங்கள் வில்லன் இல்லை. கடைசியில் திருந்தியும் விடுகிறீர்கள். அதனால் இது பாசிட்டிவான கேரக்டர்தான். அதோடு இந்தப் படத்தில் நீங்கள் நடித்தால் அடுத்து உங்களை ஹீரோவாக வைத்து ஒரு படம் தயாரிக்கிறோம். அந்தப் படத்தையும் எஸ்.பி.முத்துராமன் இயக்குவார்" என்று வாக்களித்தார். அதன் பிறகே கார்த்திக் நல்லவனுக்கு நல்லவனில் நடித்தார்.

நல்லவனுக்கு நல்லவன் வெற்றிப்படடமாக அமைந்து 150 நாட்கள் ஓடியது. ஏவிஎம் சரவணன் சொன்ன மாதிரி ஏவிஎம் தயாரிப்பில் நல்லதம்பி படம் தயாரிக்கப்பட்டது. அதனை எஸ்.பி.த்துராமனே இயக்கினார். நல்லவனுக்கு நல்வவன் படத்திற்கு பிறகு கார்த்திக் வில்லனாக நடித்த படம் அனேகன்.

• 
  ஒரு டஜன் வாழைப்பழம் மட்டும் சம்பளமாக பெற்றுக்கொண்டு நடித்த கோவிந்தா
• 
  அரிய நோயால் பாதிக்கப்பட்டுள்ள பூமி பட்னேகர்
• 
  தீபிகா படுகோனேவின் குரல் இனி மெட்டா ஏஐ-யில் ஒலிக்கும்
• 
  மாதவனை பழிக்குப்பழி வாங்கி விட்டேன் : அஜய் தேவ்கன் பகிர்ந்த சுவாரஸ்ய ...
• 
  'மகாபாரதம்' தொடரில் கர்ணனாக நடித்த நடிகர் பங்கஜ் தீர் காலமானார்

• 
  பெண் குற்றச்சாட்டை தொடர்ந்து உதவி இயக்குனர் மீது காவல்துறையில் புகார் ...
• 
  பாகுபலி : தி எபிக் ரன்னிங் டைம் சென்சார் சான்றிதழ் வெளியானது
• 
  எனக்கு தடை விதிப்பவர்களிடம் ஏன் என்று கேளுங்கள்: ராஷ்மிகா
• 
  பிளாஷ்பேக் : அமிதாப்பச்சன் பட ரீமேக்கில் ஆர்வம் காட்டிய ரஜினி
• 
  நாகார்ஜூனா ரசிகையாக கை தட்டியதில் நானும் ஒருவர்! - அமலா அக்கினேனி