Dinamalar

மொட்டை ராஜேந்திரன் பெயரை பரிந்துரைத்த விஜய்!

காவலன் படத்தில் அசினின் பாடிகார்டாக நடித்த விஜய்யின் உதவியாளராக வடிவேலு நடித்திருந்தார். அவர்களது காமெடி நன்றாக ஒர்க்அவுட்டாகியிருந்தது. அதைப்பார்த்துதான், தெறி படத்திலும் விஜய்யின் டிரைவரான போலீஸ் வேடத்தில் நடிக்க வடிவேலுவை அழைத்தனர். ஆனால் அப்போது அவர் ஹீரோவாக நடிப்பதிலேயே ஆர்வமாக இருந்தார். அதனால் வடிவேலு நடிக்க வேண்டிய வேடத்துக்கு மொட்டை ராஜேந்திரனை அழைத்தனர். அதுவும் 60 நாட்கள் மொத்த கால்சீட் கேட்ட அட்லி, இந்த நாட்களில் நான் எப்போது அழைத்தாலும் படப்பிடிப்பில் கலந்து கொள்ள வேண்டும் என்று கண்டிசனாக கூறியிருந்தார். அதனால், விஜய் படத்தை விட மனமில்லாமல் அந்த நேரத்தில் சில படங்களுக்காக வாங்கியிருந்த அட்வான்சை திருப்பிக்கொடுத்தார் ராஜேந் திரன்.

இந்த நிலையில், தற்போது பரதன் இயக்கத்தில் விஜய் நடித்து வரும் எங்க வீட்டுப்பிள்ளை படத்திலும் தற்போது இணைக்கப்பட்டுள்ளார் மொட்டை ராஜேந்திரன். இந்த படத்தைப்பொறுத்தவரை தற்போது அவர் நடித்து வரும் டிராபிக் போலீஸ் வேடத்தில் வேறொரு மலையாள நடிகரைத்தான் நடிக்க வைக்க திட்டமிட்டிருந்தாராம் பரதன். ஆனால் தெறி படத்தில் மொட்டை ராஜேந்திரனின் நடிப்பு சிறப்பாக இருந்ததால், அவருக்கே இந்த வாய்ப்பினை கொடுக்கலாம் என்று கூறினாராம் விஜய். அதன்காரணமாக திடீரென்று எங்க வீட்டுப்பிள்ளை யில் இணைந்திருக்கிறார் மொட்டை ராஜேந்திரன்.

• இவரை பற்றி
• செய்திகள்
• ஆல்பம்