Dinamalar

தமிழில் பிறந்தநாள் வாழ்த்து : அறிவுமதி நெகிழ்ச்சி

பிரபல பாடகர் உன்னி கிருஷ்ணனின் மகள் உத்ரா உன்னி. 'சைவம்' படத்தின் மூலம் தேசிய விருதினை பெற்றார். அவர் தற்போது பிறந்த நாள் வாழ்த்து பாடலை தமிழில் பாடி ஆல்பமாக வெளியிட்டுள்ளார்.

பொதுவாக பிறந்த நாளில் “ஹேப்பி பெர்த் டே டூ யூ” என்ற ஆங்கில பாடலைத்தான் பாடுவார்கள். இதற்கு இணையான தமிழ் பாடல் இல்லாமல் இருந்தது. திரைப்பட பாடலாசிரியர் அறிவுமதி “நீண்ட காலம், நீடு வாழ வேண்டும்...” என்ற பாடலை எழுதி அதனை தான் கலந்து கொள்ளும் பிறந்த நாள் விழாக்களில் பாடி வந்தார். இதைக் கேட்ட பலரும் இதனையே ஒரு இசை ஆல்பமாக வெளியிட்டால் மற்றவர்களும் பாடுவார்களே என்ற சொல்ல, தன் ஆசையை இசை அமைப்பாளர் அருள் கரோலியிடம் கூறியுள்ளார்.

இவர்தான் உத்ரா உன்னியை 'பிசாசு' படத்தில் “நதி போகும் கூழாங்கல்...” என்ற பாடலை பாட வைத்தவர். அருள் குரோலி இசை அமைக்க உத்ரா உன்னியின் தேனிசை குரலில் தமிழ் பிறந்த நாள் பாடல் பிறந்தது. இந்த பாடல் அமெரிக்காவின் நியூஜெர்சியில் நடந்த தமிழ் சங்க பேரவை விழாவில் வெளியிடப்பட்டது. இந்த பாடலை 'வலைத்தமிழ் டாட் காம்' என்ற இணையதளத்தில் கேட்கலாம். பதிவிறக்கம் செய்யலாம்.

“இந்த பாடல் என் மகள் எனக்காகவே பாடியது போல இருக்கிறது” என்று நெகிழ்கிறார் உன்னி கிருஷ்ணன். “இனி பிறந்த நாட்களில் தமிழ் பாடல் ஒலிக்கட்டும்” என்று மகிழ்கிறார் அறிவுமதி.

• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி
• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...
• 
  கணவர் மீது புகார் அளித்துள்ள செலினா ஜெட்லி
• 
  ஜோசப் ரீமேக்கை பார்க்காமலேயே தர்மேந்திரா மறைந்து விட்டார் : மலையாள ...

• 
  ருக்மணி வசந்த்தை கவர்ந்த 10 விஷயங்கள்
• 
  தமிழில் தடுமாறும் கதாநாயகியரின் படங்கள்….
• 
  டிசம்பரில் ஓடிடிக்கு வரும் ராஷ்மிகாவின் இரண்டு படங்கள்
• 
  அடுத்தும் தமிழ் இயக்குனர் படத்தில் அல்லு அர்ஜுன்?
• 
  அஞ்சான் - ரீ ரிலீஸிலும் ஏற்பட்ட சிக்கல்