Subscription 
சிறப்புச்செய்திகள்
வேட்டைக்காரன், எம் குமரன் சன் ஆப் மகாலட்சுமி, மாவீரன் - ஞாயிறு திரைப்படங்கள் | பணத்தை விட கதையே முக்கியம் - ஈஷா ரெப்பா | நானி படத்தை தமிழ், தெலுங்கில் இயக்கும் ஞானவேல் | விஜய் பிறந்தநாளில் 69 வது படத்தின் அறிவிப்பு வெளியாகிறது | ஸ்டார் படத்தில் பத்து பாடல்கள் | வாடிவாசல், புறநானூறு படங்கள் உருவாகுமா? - சூர்யா சொன்ன தகவல் | தமிழுக்கு வரும் ஆதியா பிரசாத் | மீண்டும் இணைந்த 'ஜோ' ஜோடி | காந்தியின் வாழ்க்கை தொடரில் இணைந்த ஹாலிவுட் நடிகர்கள் | கமல் மீது தயாரிப்பாளர் சங்கத்தில் லிங்குசாமி புகார் |
கபாலி படக்குழு என் சுதந்திரத்தில் தலையிடவில்லை! -ராதிகா ஆப்தே
ரஜினி நடித்துள்ள கபாலி படம் தமிழில் உருவாகியிருந்தபோதும், தெலுங்கு, மலையாளம், இந்தி ஆகிய இந்திய மொழிகளிலும் டப் செய்யப்பட்டு வெளியாகிறது. இப்படி பல மொழிகளையும் டார்க்கெட் செய்ததால்தான் ராதிகா ஆப்தேவை அந்த படத்திற்கு ஒப்பந்தம் செய்தனர். காரணம், இந்தி நடிகையான ராதிகா ஆப்தே, பெங்காலி, மராத்தி போன்ற வட இந்திய மொழிகளிலும் நடித்திருப்பவர், தென்னிந்தியாவில் தமிழ், தெலுங்கு, மலையாளம் போன்ற மொழி ரசிகர்களுக்கு பரிட்சயமானவர். அது மட்டுமின்றி அவ்வப்போது ஆங்கில புத்தகங் களின் அட்டைப்படங்களில் அதிரடி போஸ் கொடுத்து வருவதால் உலக அளவில் பல நாட்டு ரசிகர்களுக்கு அவர் பரிட்சயமானவர்தான்.
ஆனால் இப்படி ஆங்கில புத்தகங்களின் அட்டைப்படங்களில் தனது கவர்ச்சியால் அலங்கரித்து வந்துள்ள ராதிகா ஆப்தேவை, கபாலி படத்தில் நடிக்க கமிட்டானபிறகு அந்த மாதிரியான போஸ்கள் கொடுப்பதற்கு தடை விதிக்கப்பட்டதாக செய்திகள் வெளியாகின. ஆனால், அதற்கு ராதிகாஆப்தே மறுப்பு தெரிவித்துள்ளார். கபாலி படக்குழுவினர் எனது சுதந்திரத்தில் தலையிடவே இல்லை. அவர்கள் என்னிடம் கண்டிசன் போட்டதாகவும், நான் அதற்கு உடன்பட்டதாகவும் வெளியான செய்திகள் வெறும் வதந்திகளே என்று கூறியுள்ளார் ராதிகா ஆப்தே.
மறக்க முடியுமா? - வெயில்
மகளையே கேவலப்படுத்துறாங்க : சின்மயி