Dinamalar

மீண்டும் இணைகிறது மிருதன் கூட்டணி

யாராலும் உடைக்க முடியாத பேங்க லாக்கர் கதை (நாணயம்), ராணுவ நாய் ஒரு செயின் மர்டர் சைக்கோவை துப்பறியும் கதை (நாய்கள் ஜாக்கிரதை), சோம்பி கதை (மிருதன்) இப்படி ஹாலிவுட்டில் ஹிட் அடிக்கும் சமாச்சாரங்களை நம்ம ஊர் ரசிகர்களுக்கு தரும் கில்லாடியான ஷக்தி சவுந்தர்ராஜன் மீண்டும் ஜெயம்ரவியுடன் படம் இணைகிறார்.

அடுத்து எந்த ஹாலிவுட் கதையை உருவி திரைக்கதை அமைத்திருக்கிறார் என்பதை படத்தின் பர்ஸ்ட் லுக்கிலேயே கண்டுபிடித்து விடலாம். அது இருக்கட்டும் இப்போது ஷக்தி சவுந்தர்ராஜனும், ஜெயம் ரவியும் மீண்டும் இணைவது முறைப்படி அறிவிக்கப்பட்டுள்ளது. டைட்டில், ஹீரோயின். மற்ற டெக்னீஷியன்கள் எதுவும் முடிவாகவில்லை. படத்தை நேமிசந்த் ஜெபக் புரொடக்ஷன் சார்பில் வி.ஹித்தேஷ் ஜெபக் தயாரிக்கிறார். இந்த நிறுவனத்தின் 10வது தயாரிப்பு இது. அடுத்த மாதம் படப்பிடிப்பு தொடங்குகிறது.

• இவரை பற்றி
• செய்திகள்
• ஆல்பம்