Dinamalar

ரஜினியை 'தல' ஆக மாற்றிய அமிதாப் பச்சன்

பாலிவுட்டின் சூப்பர் ஸ்டார் என அழைக்கப்படும் அமிதாப்பச்சன், தமிழகத்தின் சூப்பர் ஸ்டார் என அழைக்கப்படும் ரஜினிகாந்த் இருவரும் எண்பதுகளில் பல இந்தி படங்களில் ஒன்றாக இணைந்து நடித்துள்ளனர். ரஜினிகாந்த் எப்போதுமே அமிதாப்பச்சனை தனது வழிகாட்டி என்றே பெருமையுடன் குறிப்பிடுவார். அந்த வகையில் கிட்டத்தட்ட 35 வருடங்களுக்குப் பிறகு இவர்கள் இருவரும் மீண்டும் இணைந்து தமிழில் தற்போது த.செ ஞானவேல் இயக்கத்தில் உருவாகி வரும் வேட்டையன் படத்தில் நடித்து வருகின்றனர். படப்பிடிப்பில் இருவரும் கலந்து கொண்ட வீடியோக்கள், எடுத்துக் கொண்ட புகைப்படங்கள் அவ்வப்போது சோசியல் மீடியாவில் வெளியாகி வந்தன.

இந்த நிலையில் இந்த படத்தின் படப்பிடிப்பில் ரஜினிகாந்த்துடன் இணைந்து நடித்த குறித்து தனது மகிழ்ச்சியை வெளிப்படுத்தியுள்ளார் அமிதாப் பச்சன். இதுகுறித்து அவர் வெளியிட்டுள்ள பதிவில், “தல ரஜினிகாந்த்துடன் மீண்டும் இணைந்து நடித்தது மிகப்பெரிய கவுரவம். மிகப்பெரிய நட்சத்திர அந்தஸ்தில் இருந்தாலும் அவர் கொஞ்சம் கூட மாறவே இல்லை. அதே பணிவு, எளிமை, நட்பு.. அவர் கொஞ்சம் கூட தன்னை மாற்றிக்கொள்ளவே இல்லை” என்று சிலாகித்துக் கூறியுள்ளார். ரஜினியை எல்லோரும் தலைவர் என்று குறிப்பிட்டு வரும் நிலையில் அஜித்திற்குரிய பட்டப்பெயரான தல என்று ரஜினியை அமிதாப் குறிப்பிட்டுள்ளது ஆச்சரியம் அளிக்கிறது.

• 
  சாய் பல்லவி நடித்துள்ள ஏக் தின் ஹிந்தி படத்தின் டிரைலர் வெளியானது
• 
  மும்பை துப்பாக்கிச்சூடு சம்பவத்தை மையப்படுத்தி உருவாகும் படத்தில் ...
• 
  துரந்தர் பட ரசிகர்களுக்கு சர்ப்ரைஸ்
• 
  ரிலீஸாகி எட்டு மாதங்களுக்குப் பிறகு ஓடிடியில் வெளியாகும் சித்தாரே ஜமீன் ...
• 
  துரந்தர் படம் பாகிஸ்தான் ரசிகர்களுக்கும் பிடிக்கும் : ஆதித்யா தர்

• 
  வேண்டுமென்றே சர்ச்சை... நீக்காவிட்டால் சட்ட நடவடிக்கை: ராஷ்மிகா ...
• 
  சிம்புவை அணுகிய சூர்யா 47 படக்குழு
• 
  பிளாஷ்பேக்: பாடலாசிரியராக, வசனகர்த்தாவாக கலையுலகின் கவனம் ஈர்த்த ...
• 
  காமெடி கலந்த க்ரைம் த்ரில்லர் படங்கள்: இந்த வார ஓடிடி வரவுகள்...!
• 
  என் மனைவி ஆர்த்தி இல்லை என்றால் தயாரிப்பாளராகி இருக்க மாட்டேன் : ...