Dinamalar

நம்புங்கள்.. இன்று ஆர்யா நடித்த இரண்டு படங்கள் ரிலீஸ்..!

கடந்த இரண்டு வாரங்களுக்கு முன்புதான் ஆர்யா 'நடித்த 'வாசுவும் சரவணனும் ஒண்ணா படிச்சவங்க ரிலீஸ் ஆனது.. இனி அடுத்த வாரம் செப்-4ல் தான் ஆர்யா நடித்த 'யட்சன்' வெளியாக இருப்பதாக தகவல்.. ஆனால் இன்று அவர் நடித்த இரண்டு படங்கள் வெளியாகியுள்ளது என்றால் எப்படி இது சாத்தியமானது என்கிற ஆச்சர்யம் ஏற்படுகிறது தானே..? நம்புங்கள்.. கெஸ்ட் ரோல் மன்னன் ஆர்யா நினைத்தால் எதுவும் சாத்தியம் தான்.

இன்று விக்ராந்த் நடித்த 'தாக்க தாக்க' படம் ரிலீசாகியுள்ளது இல்லையா.. அதில் விஷால், விஷ்ணு ஆகியோருடன் சேர்ந்து ஆர்யாவும் ஒரு பாடலில் கெஸ்ட் ரோலில் நடித்துள்ளார்.. ஆக இந்தப்படமும் அவரது கணக்கில் தான் சேரும். அதேபோல இன்று மலையாளத்தில் 'டபுள் பேரல்' என்கிற படம் ஓணம் ஸ்பெஷலாக ரிலீசாகியுள்ளது. இதில் பிருத்விராஜ், ஆர்யா இருவரும் தான் கதாநாயகர்கள்.. ஆக ஆர்யாவுக்கு இந்த இரண்டு படங்களும் இன்று ஓணம் ஸ்பெஷல் ரிலீஸ் என்று தாராளமாக சொல்லலாம்.

• செய்திகள்
• ஆல்பம்