பணத்தை விட கதையே முக்கியம் - ஈஷா ரெப்பா | நானி படத்தை தமிழ், தெலுங்கில் இயக்கும் ஞானவேல் | விஜய் பிறந்தநாளில் 69 வது படத்தின் அறிவிப்பு வெளியாகிறது | ஸ்டார் படத்தில் பத்து பாடல்கள் | வாடிவாசல், புறநானூறு படங்கள் உருவாகுமா? - சூர்யா சொன்ன தகவல் | தமிழுக்கு வரும் ஆதியா பிரசாத் | மீண்டும் இணைந்த 'ஜோ' ஜோடி | காந்தியின் வாழ்க்கை தொடரில் இணைந்த ஹாலிவுட் நடிகர்கள் | கமல் மீது தயாரிப்பாளர் சங்கத்தில் லிங்குசாமி புகார் | ‛கூலி'க்கு இளையராஜா அனுப்பிய நோட்டீஸ் : ரஜினி கருத்து |
'வேலையில்லா பட்டதாரி' வெற்றிப் படத்தைத் தொடர்ந்து அந்தப் படத்தின் இரண்டாம் பாகத்தை தனுஷ் - இயக்குனர் வேல்ராஜ் கூட்டணி படமாக்கி வருகிறது. கடந்த சில வாரங்களுக்கு முன் ஆரம்பமான இப்படத்தின் படப்பிடிப்பு முக்கிய கட்டத்தை எட்டியுள்ளது. இந்தப் படத்தின் இரண்டு கதாநாயகிகளுள் ஒருவராக நடிக்கும் சமந்தா சம்பந்தப்பட்ட காட்சிகளின் படப்பிடிப்பு நிறைவடைந்துள்ளது. கடந்த ஒரு சில வாரங்களாக சமந்தா தொடர்ச்சியாக இந்தப் படத்தின் படப்பிடிப்பில் கலந்து கொண்டார்.
இந்தப் படத்தில் தனுஷ், சமந்தா, எமி ஜாக்சன், கே.எஸ்.ரவிக்குமார், ராதிகா மற்றும் பலர் நடிக்கிறார்கள். வழக்கம் போல அனிருத் இசையமைக்கிறார். முதல் படத்தைப் போலவே இந்தப் படத்தையும் குடும்பப் பாங்கான படமாகத்தான் எடுத்து வருகிறார்கள் என தகவல்கள் தெரிவிக்கின்றன. இனி, எமி ஜாக்சன் சம்பந்தப்பட்ட காட்சிகளை படமாக்க உள்ளதாகத் தெரிகிறது. தனுஷ் நடிப்பில் அடுத்து 'மாரி' படம் வெளி வர உள்ளது. இந்தப் படத்தையடுத்து 'விஐபி 2' வெளிவரும். இப்படத்திற்கு இதுவரை இன்னும் பெயர் வைக்கவில்லை. 'வேலையில்லா பட்டதாரி 2' என்றே வைப்பார்களா அல்லது வேறு பெயரை வைப்பார்களா என்பது இனிமேல்தான் தெரியும்.