Dinamalar

மோகன்லால் நடித்த நாடகத்திற்கு தாதாசாகிப் பால்கே விருது..!

அந்நிய நாட்டவரை இந்த மண்ணில் காலூன்ற விடமாட்டோம் என எதிர்த்து போராடிய மலையாள தேசத்தின் மாபெரும் போராட்ட வீரர் தான் குஞ்சாலி மரைக்காயர். அந்த மாவீரர் குஞ்சாலி மரைக்காயர் வரலாற்றை படமாக்கவேண்டும் என்கிற ஆர்வம் பல மலையாள இயக்குனர்களுக்கு இன்றும் உண்டு. ஆனால் நாடக வடிவில் அதற்கு முதலில் பிளையார் சுழி போட்டவர் பிரபல மலையாள இயக்குனரான டி.கே.ராஜீவ் குமார்.

மலையாள சினிமாவில் 35 வருட சரித்திரம் கொண்ட இவர் தான் புகழ்பெற்ற மைடியர் குட்டிச்சாத்தான் படத்தை இயக்கியவர்.. இவர்தான் குஞ்சாலி மரைக்காயர்' நாடகத்தை அவ்வப்போது நடத்தி வருகிறார். கடந்த ஜனவரியில் கேரளாவில் நடைபெற்ற தேசிய விளையாட்டு போட்டிகளின் துவக்க நாள் விழாவில் கூட 'குஞ்சாலி மரைக்காயர்' நாடகத்தை அரங்கேற்றினார். அதில் குஞ்சாலி மரைக்காயராக மோகன்லால் நடித்த அதிசயமும் அப்போது அரங்கேறியது..

ஏற்கனவே மோகன்லாலை வைத்து மூன்று படங்களை இயக்கிய டி.கே.ராஜீவ் குமார், 'குஞ்சாலி மரைக்காயர்' வரலாற்றை படமாக்கப்போவதாகவும் கூட செய்திகள் அடிபட்டன. இந்த நிலையில் சமீபத்தில் நடைபெற்ற 5வது தாதாசாகிப் பால்கே விருதுக்கான திரைப்பட விழாவில் கலந்துகொண்டு, சிறந்த விஷுவல் எபெக்ட்ஸ்க்கான தாதாசாகிப் பால்கே விருதை பெற்றுள்ளது இந்த நாடகம்.

• இவரை பற்றி
• செய்திகள்