Dinamalar

கோடையில் துவங்குகிறது பவன் கல்யாணின் கபார் சிங்-2

தெலுங்கு திரை உலகின் பவர் ஸ்டார் நடிகர் பவன் கல்யாண் தீவிர அரசியலில் ஈடுபட்டு வந்ததால் அவரது திரை உலக வாழ்க்கையில் அவரால் கவனம் செலுத்த முடியவில்லை. அந்த வகையில் அவர் நடிப்பதாக ஒப்புக் கொண்ட கபார் சிங் 2 திரைப்படமும் படப்பிடிப்பு தொடங்காமல் இருந்து வருகின்றது. இதனால் வருத்தத்தில் இருந்த நடிகர் பவன் கல்யாண் ரசிகர்கள் தற்போது உற்சாகமடைந்துள்ளனர்.

தெலுங்கு திரை ரசிகர்கள் மிகுந்த எதிர்ப்பார்ப்பில் காத்திருக்கும் கபார் சிங் 2 படத்தின் ப்ரீ புரொடக்ஷன் வேலைகள் தொடங்கியுள்ளனவாம் இதுவே ரசிகர்களின் உற்சாகத்திற்கு காரணம். இப்படத்தின் படப்பிடிப்பு ஏப்ரல் இறுதியில் அல்லது மே முதல் வாரத்தில் தொடங்க இருக்கின்றது என தகவல்கள் வெளிவந்துள்ளன.மேலும் இப்படத்தை இயக்குநர் சம்பத் நந்தி இயக்குவதாக இருந்தது, ஆனால் பவர் படத்தை இயக்கிய இயக்குநர் ரவீந்திரன் தற்போது இப்படத்தை இயக்கவுள்ளதாக கூறப்படுகின்றது.

• செய்திகள்