Dinamalar

டூப்பை விரும்பாத காவ்யா மாதவன்!

தமிழில் காசி, என் மனவானில் போன்ற படங்களில் நடித்தவர் மலையாள நடிகை காவ்யா மாதவன். நிஷால் சந்திரா என்பவரை திருமணம் செய்து கொண்டிருந்த இவர், பின்னர் விவாகரத்து செய்து விட்டதையடுத்து, சினிமாவில் மீண்டும் பிசியாகி விட்டார். அதோடு, மலையாள நடிகர்களுடனும் இணைத்து கிசுகிசுக்கப்பட்டு வருகிறார். இந்த நிலையில், தற்போது 4 மலையாள படங்களில் நடித்து வரும் காவ்யா மாதவன், கேரளாவில் ஷீ டாக்ஸி -என்ற பெயரில் பெண்கள் மட்டுமே ஓட்டக்கூடிய கால் டாக்சி ஓடுவதை அடுத்து, அதை மையப்படுத்தி உருவாக்கப்பட்டுள்ள ஷீ டாக்ஸி என்ற படத்தில் கால் டாக்ஸி டிரைவராக நடிக்கிறார்.

இந்த படத்துக்காக பவர் ஸ்டியரிங் பொருந்திய அம்பாசிடர் கார் ஓட்டி பயிற்சி எடுத்துக்கொண்டு நடித்தாராம் காவ்யாமாதவன். ஆனால், போக்குவரத்து மிகுந்த சாலைகளில் அவர் கார் ஓட்டியபடி நடித்தால் விபத்துக்கள் ஏற்பட்டு விடும் என்று கருதிய இயக்குனர் ஷாஜி, அந்த காட்சிகளில் டூப் டிரைவரை பயன்படுத்தலாம் என்று சொன்னாராம். ஆனால், காவ்யாவோ, நானே ஓட்டியபடி நடிப்பதுதான் சரியாக இருக்கும். என்று பிடிவாதமாக சொல்லி விட்டாராம். மேலும், பினனர் மலைப்பாதைகளிலும் கார் ஓட்டிய காவ்யா மாதவன், படப்பிடிப்பு நடைபெற்ற இடத்தில் இருந்து தான் தங்கியிருந்த ஹோட்டலுக்கு தினமும் 20 கிமீ தொலைவுக்கு அந்த அம்பாசிடர் காரை தானே ஓட்டி அனைவரையும் வியக்க வைத்தாராம்.

• இவரை பற்றி
• செய்திகள்