Dinamalar

ரீமேக்கில் இறங்கிய பாரதிராஜா!

சைக்கோவாக கமல் நடித்த படம் சிவப்பு ரோஜாக்கள். இப்படத்தில் ஆண்களை ஆசை வலையில் விழ வைக்கும் பெண்களை தேடிப்பிடித்து கொலை செய்யும் வேடத்தில் நடித்திருந்தார் கமல். 1978-ம் ஆண்டு வெளியான இப்படத்தை பாரதிராஜா இயக்க, கமல்-ஸ்ரீதேவி ஜோடி சேர்ந்திருந்தனர். அப்படத்தின் இரண்டாம் பாகத்தை இயக்க திட்டமிட்டுள்ளாராம் பாரதிராஜா.

அதோடு , கமல் வேடத்தில் இப்போதைய நடிகர்களில் யாரை நடிக்க வைக்கலாம் எனறு பாசீலனை செய்து வரும் பாரதிராஜா, அஜீத், சூர்யா, சிம்பு, தனுஷ், ஜீவா, அதர்வா, ஜீவன், ரமேஷ் சக்தி, ஆகியோரில் ஒருவரை நடிக்க வைக்க திட்டமிட்டுள்ளாராம்.

இதுபற்றி அவர் விடுத்துள்ள செய்தியில், நான் இயக்கிய 16 வயதினிலே படத்தின் ரீமேக்கை இப்போது இயக்க முடியாது ஆனால், சிவப்பு ரோஜாக்கள் படத்தின் 2ம் பாகத்தை இயக்க முடியும் என்று தெரிவித்துள்ள பாரதிராஜா. அந்த படத்தை இன்றைய காலகட்டத்து இளைஞன் ஒருவன் பார்த்தால் என்ன செய்ய வேண்டும் எனறு நினைப்பான் என்பதை கருத்தில் கொண்டு 2ம் பாகத்தை உருவாக்கயிருக்கிறேன என்கிறார்.

மேலும், ஏற்கனவே நான் இயக்கிய என் உயிர்த்தோழன் படத்தின் 2ம் பாகத்தையும் இயக்க திட்டமிட்டுள்ளேன் என்றும் தெரிவித்துள்ளார்.

• செய்திகள்