Dinamalar

பிரஷாந்த்துடன் செமத்தியாக குத்தாட்டம் போட்ட இந்தி நடிகை!

நடிகர் பிரஷாந்த், இவர் சற்று இடைவெளிக்கு பிறகு, தற்போது சாஹசம் என்ற படத்தில் நடித்து வருகிறார். பிரஷாந்த்தின் அப்பா தியாகராஜனே இப்படத்தை பிரமாண்டமாக தயாரித்து வருகிறார். அருண் ராஜ் வர்மா என்ற புதியவர் இயக்குகிறார். இப்படத்தின் ஷூட்டிங் மிக வேகமாக வளர்ந்து வருகிறது. இந்நிலையில் இப்படத்தில் இடம்பெறும் ஒரு அதிரடியான குத்து பாடலுக்கு, இந்தியில் இருந்து நர்கீஸ் பக்ரி என்ற நடிகையை அறிமுகம் செய்துள்ளனர். பாலிவுட்டின் பிரபல நடிகையான இவர் ரன்பீர் கபூருடன் ராக்ஸ்டார், ஜான் ஆபிரஹாம் உடன் மெட்ராஸ் கபே போன்ற படங்களில் நடித்துள்ளார்.

காரத்தில் காரத்தில் சில்லி இவ....

தூரத்தில் பார்த்தாலே நா ஸ்பைசி...

வாசத்தால் மல்லி இவ... பக்கத்தில் வந்தா....

எனும் அதிரடியான குத்துப்பாடலுக்கு பிரஷாந்த் உடன் சேர்த்து செம ஆட்டம் ஆடியிருக்கிறார் நர்கீஸ் பக்ரி. ஒரு பெண்ணுக்கு என்ன பிடிக்கும் என்பதை இந்தப்பாட்டில் சொல்லியிருக்கிறார்களாம். தமனின் இசையில், மதன் கார்கி இந்தப்பாடலை எழுதியுள்ளார். சமீபத்தில் இந்தப்பாடல் படமாக்கப்பட்டது. தமிழில் இதுவரை இப்படி ஒரு அதிரடி குத்து பாடல் வந்ததே இல்லையாம். அந்தளவுக்கு இந்தப்பாடல் வந்திருப்பதாகவும், அதில் பிரஷாந்த், நர்கீஸ் இருவரும் சேர்ந்து அப்படியொரு ஆட்டம் ஆடியிருப்பதாகவும் சாஹசம் படக்குழுவினர் கூறுகின்றனர்.

• இவரை பற்றி
• செய்திகள்
• ஆல்பம்