Dinamalar

கேரள திரைப்பட விழாவில் திரையிட 19 படங்களுக்கு மறுப்பு : கேரளா அமைச்சர் காட்டம்

கேரளாவில் தற்போது திருவனந்தபுரத்தில் கேரள சர்வதேச திரைப்பட திருவிழா கடந்த டிசம்பர் 12 முதல் துவங்கி நடைபெற்று வருகிறது. இதில் உலகெங்கிலும் இருந்து கிட்டத்தட்ட 160 படங்கள் கலந்து கொண்டு திரையிடப்பட்டு வருகின்றன. வரும் டிசம்பர் 19ம் தேதி இந்த திரைப்பட திருவிழா நிறைவடைகிறது. இந்த நிலையில் 19 படங்கள் இந்த விழாவில் திரையிட அனுமதி மறுக்கப்பட்டுள்ளதாகவும் இதன் பின்னணியில் மத்திய அரசின் ஆதிக்கவும் இருப்பதாகவும் கேரள கலாச்சார மற்றும் பண்பாட்டு துறை அமைச்சர் ஷாஜி செரியன் கூறியுள்ளார்.

இதுகுறித்து அவர் கூறும்போது, “187 படங்கள் இந்த சர்வதேச திரைப்பட திருவிழாவில் கலந்து கொள்ள விண்ணப்பங்களை அனுப்பி இருந்தன. அனைத்துமே குறித்த நேரத்தில் தங்களது விண்ணப்பங்களை அனுப்பினாலும் இதில் 19 படங்கள் திரையிட அனுமதி மறுக்கப்பட்டுள்ளன. குறிப்பாக பாலஸ்தீனிய தொடர்புடைய படங்கள் இந்த மறுக்கப்பட்ட படங்களின் பட்டியலில் இடம் பெற்றுள்ளன. இதன் பின்னணியில் மத்திய அரசு இருக்கிறது. யாரோ ஒருவருக்கு பயந்து கொண்டு அவர்கள் இதை செய்கிறார்கள். அடுத்தாண்டு இது போன்ற திரைப்பட திருவிழா இங்கே நடக்குமா என்பது தெரியவில்லை. மத்திய அரசு தடை செய்த அந்த படங்களை இந்த விழாவில் திரையிட அனுமதிக்க வேண்டும். இது குறித்து மத்திய அரசுக்கு கடிதம் எழுதியுள்ளோம்” என்று கூறியுள்ளார்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  வார் 2 படத்தால் நஷ்டமா... : தயாரிப்பாளர் விளக்கம்
• 
  விஜய் இதை பார்த்தால் நிச்சயம் ரசிப்பார் ; மோகன்லால் கொடுத்த கிரீன் ...
• 
  ஆந்திராவில் சினிமா தியேட்டர் டிக்கெட் கட்டணங்களில் மாற்றம்?
• 
  'ஆடு-3' படப்பிடிப்பில் நடிகர் விநாயகன் காயம் ; கொச்சி மருத்துவமனையில் ...
• 
  மறைந்த நடிகர் சீனிவாசனின் உண்மையான வயது என்ன? கிளம்பிய விவாதமும் தெளிந்த ...