ஸ்ரீகாந்த், ஷ்யாம் நடிப்பில் தி ட்ரெய்னர்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

ஸ்ரீகாந்த், ஷ்யாம் நடிப்பில் தி ட்ரெய்னர்

05 நவ, 2025 - 06:02 IST

எழுத்தின் அளவு:

ஸ்ரீகாந்த் தனது இரண்டாவது ரவுண்டில் சில படங்களில் ஹீரோவாகவும், முக்கிய கேரக்டரிலும், தெலுங்கு படங்களிலும் நடித்து வந்தார். இந்த நிலையில்தான் அவர் போதை மருந்து விவகாரத்தில் கைது செய்யப்பட்டு சிறை சென்று வந்தார். தற்போது வழக்கு நடந்து வருகிறது.

இந்த நிலையில் அவரும், ஷாமும் நாயகனாக நடித்திருக்கும் 'தி ட்ரெய்னர்' படம் வெளியீட்டுக்கு தயாராகி வருகிறது. பி. வேல்மாணிக்கம் இயக்குகிறார். பிரின்ஸ் சால்வின் இளம் ஹீரோவாக அறிமுகம் ஆகிறார். படத்தின் படப்பிடிப்பு முடிவடைந்துள்ள நிலையில் விரைவில் படம் வெளிவரும் எனப் படக்குழு அறிவித்துள்ளது. படத்தில் நடிகர் ஸ்ரீகாந்த் நாய் பயிற்சியாளராக நடித்துள்ளார். அவருடன் 'லீ' என்ற நாயும் படம் முழுக்க முக்கிய கதாபாத்திரமாக வருகிறது. காவல்துறை அதிகாரியாக ஷ்யாம் நடித்திருக்கிறார்.

அஞ்சனா கிருத்தி, புஜிதா பொன்னாட இருவரும் கதையின் நாயகியாக நடித்திருக்கிறார்கள், வாகை சந்திரசேகர், சாய் தீனா, லதாராவ், ஜே.ஆர்.எம்.ராஜ் மோகன் , பிரியங்கா ராய், ஆகியோர் முக்கிய கதாபாத்திரங்களில் நடித்துள்ளனர். அருள்மொழி சோழன் ஒளிப்பதிவு செய்திருக்க, கார்த்திக் ராஜா இசையமைத்திருக்கிறார்.

படம் குறித்து இயக்குனர் வேல்மாணிக்கம் கூறியதாவது: பெண்களின் பாதுகாப்பு மற்றும் முன்னேற்றத்திற்காக தமிழ்நாடு காவல் துறை உருவாக்கிய 'காவலன்' செயலியிலிருந்து உத்வேகம் பெற்று சமூகப் பொறுப்புள்ள படமாக இது உருவாகியுள்ளது. ஆக்ஷன், எமோஷன் மற்றும் சமூக பொறுப்புள்ள படமாக உருவாகியுள்ளது என்றார்.

Thetrainer

Srikanth

திட்ரெய்னர்

ஸ்ரீகாந்த்

கருத்துகள் (0) கருத்தைப் பதிவு செய்ய

'லட்சுமிகாந்தன் கொலை வழக்கு' ...

'பராசக்தி' படம் என் மீதான கவர்ச்சி ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய