மீண்டும் மோகன்லாலை இயக்கும் தருண் மூர்த்தி ; தொடரும் பட வெற்றி விழாவில் அறிவிப்பு

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

27 அக், 2025 - 06:06 IST

எழுத்தின் அளவு:

கடந்த ஏப்ரல் மாதம் மலையாளத்தில் மோகன்லால் நடிப்பில் வெளியான 'தொடரும்' திரைப்படம் மிகப்பெரிய வெற்றியைப் பெற்று 200 கோடிக்கு மேல் வசூல் செய்தது. அதற்கு முன்பு இரண்டு சிறிய படங்களை இயக்கி இருந்த இயக்குனர் தருண் மூர்த்தி தான் இந்த படத்தை இயக்கினார். அதன்பிறகு அவர் 'பிரேமலு' நாயகன் நஸ்லேனை வைத்து 'டார்பிட்டோ' என்கிற படத்தை இயக்கி வருகிறார். அதை தொடர்ந்து அவர் ஏற்கனவே இயக்கிய 'ஆபரேஷன் ஜாவா' படத்தின் இரண்டாம் பாகமாக 'ஆபரேஷன் கம்போடியா' என்கிற படத்தை இயக்க உள்ளார். இந்த படத்தில் நடிகர் பிரித்விராஜ் நடிக்கிறார் என்பதும் சமீபத்தில் அதிகாரப்பூர்வமாக அறிவிக்கப்பட்டது.

மீண்டும் அவர் மோகன்லால் படத்தை இயக்குவார் என்று சொல்லப்பட்டு வந்த நிலையில் நேற்று கொச்சியில் ஆறு மாதம் கழித்து நடைபெற்ற தொடரும் படத்தில் பணியாற்றியவர்களுக்கான விருது வழங்கும் விழாவில் மீண்டும் மோகன்லால் படத்தை தருண் மூர்த்தி இயக்குகிறார் என்பது அதிகாரப்பூர்வமாக உறுதி செய்யப்பட்டது. படத்தின் இயக்குனரான தருண் மூர்த்திக்கு தயாரிப்பாளர் எம்.ரஞ்சித் விருதை வழங்கும்போது, இந்த விருதை விட மோகன்லாலுடன் மீண்டும் ஒரு புதிய படம் தான் உங்களுக்கு இன்னும் மிக சிறந்த விருதாக இருக்கும் என்று கூறினார். இதன் மூலம் மீண்டும் இந்த தொடரும் கூட்டணி தொடர்ந்து பயணிப்பது உறுதியாகியுள்ளது.

Tharun Moorthy

Mohanlal

Thudarum

தருண் மூர்த்தி

மோகன்லால்

துடரும்

கருத்துகள் (0) கருத்தைப் பதிவு செய்ய

பாகுபலியால் ஒரு நாள் தள்ளிப்போகும் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய