Dinamalar

செப்டம்பர் 26ல் மீண்டும் இத்தனை படங்கள் வெளியீடா?

2025ம் ஆண்டில் இதுவரை இல்லாத அளவிற்கு வாரா வாரம் நான்கைந்து படங்களாவது வெளிவந்து கொண்டிருக்கிறது. சில வாரங்களில் அது ஐந்து படங்களுக்கும் மேலாகவும் போய்க் கொண்டிருக்கிறது.

கடந்த வாரத்துடன் இந்த வருடத்தில் வெளியான படங்களின் எண்ணிக்கை 190ஐக் கடந்துள்ளது. அது இந்த வாரத்தில் 200ஐக் கடந்துவிடும் என்ற நிலையில் உள்ளது. இந்த வாரம் செப்டம்பர் 26ம் தேதி, “அந்த 7 நாட்கள், கயிலன், கிஸ் மீ இடியட், ரைட், குற்றம் தவிர், சரீரம், டோர் நம்பர் 420, பணை, ஐஏஎஸ் கண்ணம்மா' ஆகிய படங்கள் வெளியாக உள்ளன.

செப்டம்பர் 25ம் தேதி விஜய், ஜோதிகா நடித்த 'குஷி' படம் ரீ-ரிலீஸ் ஆக உள்ளது. இந்த வாரத்தில் இத்தனை படங்கள் வெளிவந்தாலும் அவற்றால் ஒரு சில நாட்கள் தாக்குப் பிடிக்க முடியுமா என்பது சந்தேகம்தான். கடந்த இரண்டு வாரங்களில் வெளியான படங்களில் சில படங்கள் நன்றாக இருப்பதாக சொல்லப்பட்டாலும் தியேட்டர்களில் அவற்றிற்கு வசூல் இல்லை. அதோடு, இந்த வாரம் வெளியாகும் படங்கள் அனைத்துமே சிறிய பட்ஜெட் படங்கள்.

அடுத்த வாரம் அக்டோபர் 1ம் தேதி தனுஷ் நடித்துள்ள 'இட்லி கடை' வர உள்ளதால் தான் இந்த வாரம் இத்தனை படங்கள் வெளியாகும் சூழல் உள்ளது. அக்டோபர் 17ல் தீபாவளி படங்கள் வெளியாக உள்ளதால் கிடைக்கும் இடைவெளியில் சிறிய படங்களை வெளியிட்டுவிடுகிறார்கள்.

• 
  சென்சார் போர்டின் இரட்டை நிலைப்பாடு ; தி கேரளா ஸ்டோரி இயக்குனர் ...
• 
  துபாயில் சிக்கிக்கொண்ட பாலிவுட் நடிகை ; உதவி கேட்டு பிரதமருக்கு கோரிக்கை
• 
  நடிப்பு உலகில் அடியெடுத்து வைத்த கிரிக்கெட் நடுவர் அனில் சவுத்ரி
• 
  துரந்தர் 2 படத்தின் முதல் விமர்சனத்தை வெளியிட்ட யாமி கவுதம்
• 
  தென்னிந்திய இயக்குனரை தேடும் ஹிருத்திக் ரோஷன்

• 
  தனிப்பட்ட வாழ்க்கைக்கு கருத்து கூறுவது அநாகரிகம் : ஆரி
• 
  ‛தெறி' ரீமேக்கா ‛உஸ்தாத் பகத்சிங்' : இயக்குனர் பதில்
• 
  கலை நிகழ்ச்சி போல நடந்த சங்கீத் வைபவம் : விஜய் தேவரகொண்டா, ராஷ்மிகா ...
• 
  'தாய்கிழவி' 22 கோடி.. 'வித் லவ்' 35 கோடி
• 
  பிளாஷ்பேக் : பாலுமகேந்திராவின் நிறைவேறாத சிவாஜி கனவு