Dinamalar

சென்ற வருடம் 'மஞ்சும்மேல் பாய்ஸ்', இந்த வருடம் 'லோகா'

தென்னிந்தியத் திரையுலகத்தில் எந்த ஒரு திரையுலகமும் சாதிக்காத ஒரு விஷயத்தை மலையாளத் திரையுலகம் சாதித்துள்ளது. டாப் நடிகை என்ற வரிசையில் இல்லாத கல்யாணி பிரியதர்ஷன் முதன்மைக் கதாபாத்திரத்தில் நடித்து வெளிவந்த 'லோகா சாப்டர் 1: சந்திரா' படம் 200 கோடி வசூலைக் கடந்து புதிய சாதனையைப் படைத்துள்ளது. எந்த ஒரு தென்னிந்திய கதாநாயகியும் 100 கோடி வசூலைக் கூடப் பெற்றதில்லை. ஆனால், கல்யாணி 200 கோடி வசூலை சாதித்துள்ளார்.

மலையாளத் திரையுலகத்தில் கடந்த வருடம் வெளிவந்த 'மஞ்சும்மேல் பாய்ஸ்' படம் முன்னணி நடிகர்கள் யாரும் நடிக்காத ஒரு படமாக வெளிவந்து 200 கோடிக்கும் அதிகமான வசூலைக் குவித்தது. அந்தப் படத்தின் மொத்த பட்ஜெட்டே 20 கோடிதான். அதை விட 10 கோடி கூடுதலாக 30 கோடி பட்ஜெட்டில் தயாரான 'லோகா' படம் 200 கோடியைக் கடந்துள்ளது. அடுத்தடுத்த வருடங்களில் குறைந்த பட்ஜெட்டில் தயாரான இரண்டு படங்கள் இப்படி ஒரு சாதனையைப் படைத்துள்ளது.

'லோகா' படத்தின் வசூல் இன்னும் அதிகமாகும் என்றே எதிர்பார்க்கப்படுகிறது. எப்படியும் 250 கோடி வசூலைப் பெறுவது உறுதி. இந்தப் படத்தின் வெற்றியால் இதன் அடுத்தடுத்த பாகங்களுக்கு இப்போதே நல்ல எதிர்பார்ப்பு எழுந்துள்ளது.

• 
  அமெரிக்காவில் ஜாக்கி சானுடன் ஹிருத்திக் ரோஷன் சந்திப்பு
• 
  மீண்டும் ரா ஏஜென்ட் கபீர் ரோலில் ஹிருத்திக் ரோஷன்
• 
  ஹிந்தி நடிகர் சதீஷ் ஷா காலமானார்
• 
  பவர்புல்லான சவுண்ட் ஸ்டோரி : விவேக் ஓபராய்
• 
  பாலிவுட் என்று அழைக்காதீர்கள் : ஜெயா பச்சன் காட்டம்

• 
  டிவி நிகழ்ச்சியில் சவுந்தர்யாவை நினைத்து கண் கலங்கிய ரம்யா கிருஷ்ணன்
• 
  மீண்டும் பாலகிருஷ்ணா ஜோடியாக நயன்தாரா நடிப்பது ஏன்
• 
  ‛டூரிஸ்ட் பேமிலி' இயக்குனருக்கு பிஎம்டபுள்யூ கார் பரிசு
• 
  மாதவன், கங்கனா படத்தின் தலைப்பு என்ன தெரியுமா?
• 
  என் துயரத்தை சிலர் கொண்டாடினர் : சமந்தா