Dinamalar

அஜித், ஆதிக் இணையும் படம் : இந்த மாதம் அறிவிப்பு?

ஐரோப்பாவில் நடக்கும் கார் ரேசில் பிஸியாக இருக்கிறார். இதற்கிடையில், இந்த மாதம் ஆதிக் இயக்கத்தில் அவர் நடிக்கும் பட அறிவிப்பு வெளியாகும் என்று எதிர்பார்க்கப்படுகிறது. ஆனாலும், அந்த படம் பைனான்ஸ் சிக்கல்கள் காரணமாக இப்போதே தடுமாறுவதாக கேள்வி. அஜித் அதிக சம்பளம் கேட்பதாலும், குட் பேட் அக்லி பட பிஸினஸ் காரணமாகவும் பட அறிவிப்பை வெளியிடாமல் இருக்கிறார்களாம். விரைவில் இந்த பிரச்னைகள் தீர்க்கப்பட்டு செப்டம்பர் மாதம் புதுப்பட அறிவிப்பு வெளியாக வாய்ப்பு என்று எதிர்பார்க்கப்படுகிறது.

அஜித், ஆதிக் இணையும் படத்தை ரோமியோ பிக்சர்ஸ் ராகுல் தயாரிக்க உள்ளார். அஜித் 170 கோடிக்கும் அதிகமான சம்பளம் கேட்டதால் பல தயாரிப்பாளர் ஒதுங்கிவிட்ட நிலையில், அஜித் ரசிகரான ராகுல் படம் தயாரிக்க முன் வந்தார் என்பது குறிப்பிடத்தக்கது. ஏற்கனவே, வலிமை படத்தில் போனி கபூர் டீமில் ராகுல் இருந்துள்ளார், அஜித்துக்கு நன்கு அறிமுகமானவர். ஆகவே, நண்பருக்காக சம்பள விஷயத்தில் அஜித் கொஞ்சம் இறங்கி வருவார் அல்லது சில சலுகைகளை அறிவிப்பார் என்றும் கூறப்படுகிறது. அஜித்தின் 55வது பிறந்தநாளான, அடுத்த ஆண்டு மே1ல் இந்த படத்தை ரிலீஸ் செய்ய ஏற்பாடுகள் நடக்கின்றன.

இதற்கிடையே அஜித் ரேஸில் பிஸியாக இருப்பதால் இந்த படம் துவங்குவதில் தாமதம் ஏற்படலாம் என ஒரு தகவலும் உலா வருகிறது. மேலும் படத்தை தயாரிக்கும் ராகுலுக்கு பதில் வேறு ஒரு நிறுவனம் தயாரிக்க இருப்பதாகவும் தகவல் வருகின்றன. எது உண்மை என படம் அறிவிப்பு வெளியாகும்போது தெரியவரும்.

• 
  நகைச்சுவைக்கு நேரமும் இயல்பான வெளிப்பாடும் அவசியம் : ஷ்ரேயா ஷர்மா
• 
  ஹிந்தியில் படத்துக்கு வரவேற்பு: புனேவுக்கு நடிகர் தனுஷ் விசிட்
• 
  நான் விளம்பரப்படுத்தியது குட்காவை அல்ல ஏலக்காயை.. சல்மான் கான் சமாளிப்பு ...
• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!

• 
  'திரெளபதி 2' படத்தில் பாடியதற்காக மன்னிப்பு கேட்ட சின்மயி
• 
  மஞ்சு வாரியரிடம் கமல் வைத்த கோரிக்கை
• 
  ரியோ ராஜ் நடிக்கும் 'ராம் இன் லீலா'
• 
  இயக்குனர் ராஜ் நிடிமொருவை 2வது திருமணம் செய்தார் சமந்தா
• 
  நடிகை கனகா தந்தையும் இயக்குனருமான தேவதாஸ் காலமானார்