Dinamalar

'கூலி' படத்தின் வியாபாரம் : கோலிவுட் வட்டாரத் தகவல்

லோகேஷ் கனகராஜ் இயக்கத்தில், அனிருத் இசையமைப்பில், ரஜினிகாந்த், நாகார்ஜுனா, சத்யராஜ், சவுபின் ஷாகிர், அமிர்கான், ஸ்ருதிஹாசன் மற்றும் பலர் நடிப்பில் நாளை வெளியாக உள்ள படம் 'கூலி'.

இப்படத்தின் வியாபாரம் உலக அளவில் எந்த அளவிற்கு நடந்திருக்கும் என்பது குறித்து கோலிவுட்டில் விசாரித்து தெரிந்து கொண்ட தகவல். இது அதிகாரப்பூர்வ தகவல் அல்ல என்பதையும் குறிப்பிட விரும்புகிறோம்.

தமிழகத்தில் 120 கோடி, வெளிநாடுகளில் 75 கோடி, தெலுங்கு மாநிலங்களில் 45 கோடி, கர்நாடகாவில் 20 கோடி, கேரளாவில் 15 கோடி, வட இந்தியாவில் 50 கோடி என வியாபாரம் நடந்திருக்கலாம் எனத் தெரிகிறது. மொத்தமாக 325 கோடி. மொத்த வசூல 625 கோடியைக் கடந்தால் இந்தப் படம் லாபக் கணக்கை ஆரம்பித்துவிடும்.

தியேட்டர் அல்லாத வருமானத்தில், ஓடிடி உரிமை, சாட்டிலைட் உரிமை, இசை உரிமை ஆகியவற்றைச் சேர்த்து 220 கோடி வரை வருவாய் வந்திருக்கும் என்கிறார்கள். இது நேரடியாக தயாரிப்பாளரைச் சேர்ந்துவிடும்.

ரஜினியின் முந்தைய சூப்பர் ஹிட்டான 'ஜெயிலர்' படத்துடன் ஒப்பிடும் போது இதன் வியாபாரம் கூடுதலாகவே நடந்துள்ளதாம். அதை மிஞ்சியுள்ளது 'கூலி' வியாபாரம். அடுத்து 'ஜெயிலர் 2' படம் வரும் போது அது 'கூலி' வியாபாரத்தை மிஞ்சி நடக்கும் என்கிறார்கள்.

'கூலி' படம் முன்பதிவின் மூலம் மட்டுமே 100 கோடியை எட்டும் என்று எதிர்பார்க்கப்படுகிறது. நாளைய முதல் நாள் வசூலும் 150 கோடியை நிச்சயம் கடந்துவிடும் என்று சொல்கிறார்கள்.

• 
  'காந்தாரா' அவதூறு : சாமுண்டி கோவிலுக்கு சென்று மன்னிப்பு கேட்க ரன்வீர் ...
• 
  துரந்தர் காட்சி : மன்னிப்பு கேட்ட மாதவன்
• 
  சமூக வலைத்தளங்களில் வைரலாகும் கியாரா அத்வானி
• 
  சாய்பல்லவி நடித்த முதல் ஹிந்தி பாடலுக்கு வரவேற்பு
• 
  துரந்தர் 2 : படம் பார்க்காமல் பாராட்டிய ஆமிர்கான்

• 
  தேர்தல் பிரச்சாரத்துக்கு செல்வாரா வடிவேலு
• 
  விரைவில் யூத் பட வெற்றி விழா
• 
  நிறையபேர் கைலாசம் போயிட்டாங்க, ரஞ்சிதா கைலாச போயிட்டாங்க : கஸ்தூரி
• 
  'நீளிரா' பெரிய தாக்கத்தை ஏற்படுத்தும் : 'எமகாதகி' புகழ் ரூபா
• 
  பிளாஷ்பேக் : திருமண வாழ்க்கை தோல்வியால் ஒளிப்பதிவாளரான விஜயலட்சுமி