Dinamalar

4000 கோடி செலவில் 'ராமாயணா' படம்!!

நிதேஷ் திவாரி இயக்கத்தில், ரன்பீர் கபூர், சாய் பல்லவி, யஷ் மற்றும் பலர் நடிப்பில் உருவாகி வரும் திரைப்படம் 'ராமாயணா'. இப்படத்தின் முதல் பாகம் 2026 தீபாவளிக்கும், இரண்டாம் பாகம் 2027 தீபாவளிக்கும் வெளியாகும் என்று அறிவிக்கப்பட்டுள்ளது. இதன் அறிமுக வீடியோ சமீபத்தில் வெளியானது.

இப்படத்தின் தயாரிப்பாளரான நமித் மல்கோத்ரா சமீபத்திய பேட்டி ஒன்றில் இரண்டு பாகங்களின் பட்ஜெட் 4000 கோடி என தெரிவித்துள்ளார். இந்தியத் திரையுலக வரலாற்றில் இத்தனை கோடி செலவு செய்து இதுவரையில் எந்த ஒரு திரைப்படமும் எடுக்கப்பட்டதில்லை.

இந்தியாவின் இரு பெரும் இதிகாசங்களான ராமாயணம், மகாபாரதம் ஆகியவற்றை இந்த விஎப்எக்ஸ் காலத்தில் திரைப்படங்களாக உருவாக்க சிலர் முயற்சி செய்து வருகிறார்கள். ஏற்கெனவே அவை முந்தைய காலகட்டங்களில் பலரால் திரைப்படங்களாக உருவாக்கப்பட்டுள்ளது.

இந்தியத் திரையுலகத்தில் இதற்கு முன்பு அதிக பட்ஜெட் படங்களாக 'கல்கி 2898 ஏடி' படத்தின் இரண்டு பாகங்கள் திட்டமிடப்பட்டுள்ளது. அதன் முதல் பாகம் வெளிவந்த நிலையில் அதன், இரண்டாம் பாகத்திற்கான படப்பிடிப்பு இன்னும் ஆரம்பமாக வேண்டி உள்ளது.

'ராமாயணா' படத்தின் பட்ஜெட் 4000 கோடி என்பது ரசிகர்களின் மத்தியில் பெரும் ஆச்சரியத்தை ஏற்படுத்தியுள்ளது.

• 
  மும்பையில் உள்ள அபார்ட்மென்ட்டை குறைந்த லாபத்திற்கு விற்ற சோனு சூட்
• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...
• 
  புதுமுகங்கள் நடித்த 'மன்னு க்யா கரேகா' டிரைலர் வெளியீடு

• 
  ஓடிடியில் இந்தவாரம் ரிலீஸ் என்ன...
• 
  பிரபுதேவாவின் வெப்தொடரின் பெயர் என்ன
• 
  அக்., 31ல் விஷ்ணு விஷாலின் ‛ஆர்யன்' ரிலீஸ்
• 
  பிளாக் மெயில் படத்தின் புதிய ரிலீஸ் தேதி அறிவிப்பு
• 
  தெலுங்கு திரையுலகை விட்டு ஒதுங்கியது ஏன்? : கமாலினி முகர்ஜி