Dinamalar

ரஞ்சித், ஆர்யா படப்பிடிப்பில் சண்டை கலைஞர் மரணம்

பா.ரஞ்சித் தற்போது இயக்கி வரும் படம் 'வேட்டுவம்'. ஆர்யா, 'அட்டகத்தி' தினேஷ், சோபிதா துலிபாலா, லிஸி ஆண்டனி , கலையரசன், ஷபீர், ஜான் விஜய், மைம் கோபி, லிங்கேஷ், சாய் தீனா உள்பட பலர் நடிக்கிறார்கள். இதனை பா.ரஞ்சித்தின் நீலம் புரொடக்ஷன் தயாரிக்கிறது.

இந்த படத்தின் முதற்கட்ட படப்பிடிப்பு காரைக்குடி பகுதியில் நடந்தது. தற்போது வேதாரண்யம் பகுதியில் நடந்து வருகிறது. வேதாரண்யம் அருகே உள்ள விழுந்தமாவடி பகுதியில் சண்டை காட்சிக்கான படப்பிடிப்பு நடந்தது.

அப்போது காஞ்சிபுரம் மாவட்டம், பூங்கண்டம் பகுதியை சேர்ந்த சண்டை பயிற்சியாளர் மோகன்ராஜ் காரில் இருந்து தாவிப் பாயும் காட்சிகள் படமாக்கப்பட்டது. இதில் மோகன்ராஜ் திடீரென தவறி கீழே விழுந்தார். இதனால் அவருக்கு நெஞ்சுவலி ஏற்பட்டுள்ளது. உடனடியாக மோகன்ராஜை சிகிச்சைக்காக நாகப்பட்டினம் அரசு மருத்துவக்கல்லூரி மருத்துவமனைக்கு கொண்டு சென்றனர்.

அங்கு அவரை பரிசோதனை செய்த டாக்டர்கள் மோகன்ராஜ் ஏற்கனவே இறந்து விட்டதாக தெரிவித்தனர். அவருக்கு வயது 52. இது குறித்து கீழையூர் போலீசார் வழக்குப்பதிந்து விசாரணை நடத்தி வருகின்றனர். இதனால் படப்பிடிப்புகள் ரத்து செய்யப்பட்டுள்ளது.

• 
  பாகிஸ்தானுக்கு எதிரான கதையா? ரன்வீர் சிங்கின் துரந்தர் படத்திற்கு தடை
• 
  பனாரஸில் தேவநாகரி லோகோ உடன் ஒளிர்ந்த அவதார் பயர் அண்ட் ஆஷ்
• 
  ரூ.152 கோடி வசூலை கடந்த தனுஷின் தேரே இஸ்க் மே படம்
• 
  3 இடியட்ஸ் 2வது பாகத்தின் பணியில் ராஜ்குமார் ஹிரானி
• 
  ஒரே படத்தில் உயர்ந்த சாரா அர்ஜுன் சம்பளம்

• 
  சாந்தனு, அஞ்சலி நாயர் நடிப்பில் ‛மெஜந்தா'
• 
  முதல் படம் திரைக்கு வரும் முன்பே 3 ஹிந்தி படங்களில் நடிக்கும் ஸ்ரீ லீலா!
• 
  ஜனவரி 1ம் தேதி முதல் புதுக்கட்டுப்பாடு : தியேட்டர் அதிபர் சங்கம் முடிவு
• 
  சிறை டிரைலர் வெளியீடு
• 
  ஜனநாயகன் படத்தின் டீசர் எப்போது