Dinamalar

பாராட்டுக்கள் கிடைத்தும் வசூலை அள்ளாத 'கண்ணப்பா'

விஷ்ணு மஞ்சு, ப்ரீத்தி முகுந்தன் மற்றும் பலர் நடிக்க கடந்த வாரம் வெளியான தெலுங்குப் படம் 'கண்ணப்பா'. பான் இந்தியா படமாக வெளியான இந்தப் படத்திற்கு ரசிகர்களின் வரவேற்பும், விமர்சகர்களின் பாராட்டுக்களும் நிறையவே கிடைத்தது. ஆனாலும், வசூலில் தடுமாறி வருகிறது.

விஷ்ணு மஞ்சுவுக்கு அதிக வசூலைக் கொடுத்த படம் என்ற பெயரைப் பெற்றுத் தந்தாலும் 50 கோடி வசூல் மட்டுமே கிடைத்துள்ளதாகச் சொல்கிறார்கள். இன்னும் 60 கோடி வரை வசூலித்தால்தான் படம் லாபக் கணக்கை ஆரம்பிக்க முடியுமாம்.

சுமார் 200 கோடி வரை செலவு செய்து பிரம்மாண்டமாக எடுக்கப்பட்ட படம். படத்தில் பங்கேற்ற மற்ற மொழியின் பிரபலங்கள் இருந்தும் படத்தை சரியான விதத்தில் கொண்டு செல்லவில்லை என்று திரையுலக வட்டாரங்களில் தெரிவிக்கிறார்கள்.

தமிழுக்கு சரத்குமார், மலையாளத்திற்கு மோகன்லால், ஹிந்திக்கு அக்ஷய்குமார், பான் இந்தியா நடிகர் பிரபாஸ், மதுபாலா, காஜல் அகர்வால் என அனைத்து மொழிகளிலும் தெரிந்த பிரபலங்கள் நடித்த ஒரு படத்தை இன்னும் சிறப்பாகக் கொண்டு போய் சேர்த்திருக்கலாம். செலவு செய்த பட்ஜெட்டை விடவும் தியேட்டர் வசூல் கிடைத்திருக்க வேண்டிய ஒரு படம் என குறைபட்டுக் கொள்கிறார்கள்.

ஓடிடி தளத்தில் வெளியாகும் போது இந்தப் படத்திற்கான ரசிகர்கள் அதிகம் கிடைக்க வாய்ப்புள்ளது என்று இப்போதே சொல்கிறார்கள்.

• 
  ரங்தே பசந்தி 20ம் வருட நிறைவு : படக்குழுவினருடன் சேர்ந்து கொண்டாடிய ...
• 
  துரந்தர் 2 படத்தில் சிறப்பு தோற்றத்தில் நடித்த விக்கி கவுசல், யாமி கவுதம்
• 
  கணவர் அபிஷேக் பச்சனுக்கு பிறந்தநாள் வாழ்த்து சொன்ன ஐஸ்வர்யா ராய்
• 
  ஆன்லைன் விளையாட்டு மோகத்தால் மூன்று இளம் பெண்கள் தற்கொலை ; சோனு சூட் ...
• 
  அனிமல் 2ம் பாகத்திற்கு அனிமல் பார்க் டைட்டில் ஏன் ? ; சந்தீப் ரெட்டி வங்கா ...

• 
  கயாடு லோகர் மாற்ற நினைக்கும் விஷயம்
• 
  கரகாட்டக்காரன் 2 நடக்குமா.... : கங்கை அமரன் பதில்
• 
  41 கோடிக்கு விற்பனையான துல்கர் சல்மான் படத்தின் டிஜிட்டல் ரைட்ஸ்!
• 
  தெலுங்கு படப்பிடிப்பின்போது படப்பிடிப்பு தளத்தில் தோசை சுட்ட ஐஸ்வர்யா ...
• 
  24 ஆண்டுகளுக்குப் பிறகு ரீ ரிலீஸ் ஆகும் 'மௌனம் பேசியதே': சூர்யா வெளியிட்ட ...