Dinamalar

50வது நாளில் 'டூரிஸ்ட் பேமிலி'

அறிமுக இயக்குனர் அபிஷன் ஜீவிந்த் இயக்கத்தில் சசிகுமார், சிம்ரன் மற்றும் பலர் நடிப்பில் கடந்த மாதம் மே 1ம் தேதி வெளியான படம் 'டூரிஸ்ட் பேமிலி'. இந்தப் படத்தை விடவும் ஸ்டார் அந்தஸ்துடன் வெளியான 'ரெட்ரோ' படம் தோல்வியைத் தழுவ இந்தப் படம் தற்போது 50வது நாளைத் தொட்டுள்ளது. ஓடிடியில் வெளியான பிறகும் கூட இப்படத்தைத் தியேட்டர்களில் பார்த்து ரசித்து வந்தனர்.

75 கோடிக்கும் அதிகமாக வசூலித்து இந்த ஆண்டின் முக்கியமான வெற்றிப் படங்களில் ஒன்றாக இந்தப் படம் அமைந்தது. 50வது நாள் போஸ்டரைப் பகிர்ந்து படத்தில் நடித்த சிம்ரன் தனது மகிழ்ச்சியை வெளிப்படுத்தியுள்ளார். படத்தின் இயக்குனர் அபிஷன், நாயகன் சசிகுமார் தங்களது படம் இன் 50வது நாளைத் தொட்டுள்ளதை மறந்துவிட்டார்களா என்று தெரியவில்லை. எந்த ஒரு பதிவையும் சமூக வலைத்தளங்களில் பதிவிடவில்லை.

இந்த வருடத்தில் வெளிவந்த படங்களில் 'குடும்பஸ்தன், ட்ராகன், டூரிஸ்ட் பேமிலி' போன்ற ஸ்டார் அந்தஸ்து இல்லாத படங்கள் 50 நாட்கள் ஓடியுள்ளது குறிப்பிட வேண்டிய ஒன்று. வரவேற்பு, வெற்றி, வசூல் ஆகியவைதான் ஸ்டார் என்ற அந்தஸ்தை நிரூபிக்கின்றன என்று இந்தப் படங்கள் புரிய வைத்துள்ளன.

• 
  பாகிஸ்தானுக்கு எதிரான கதையா? ரன்வீர் சிங்கின் துரந்தர் படத்திற்கு தடை
• 
  பனாரஸில் தேவநாகரி லோகோ உடன் ஒளிர்ந்த அவதார் பயர் அண்ட் ஆஷ்
• 
  ரூ.152 கோடி வசூலை கடந்த தனுஷின் தேரே இஸ்க் மே படம்
• 
  3 இடியட்ஸ் 2வது பாகத்தின் பணியில் ராஜ்குமார் ஹிரானி
• 
  ஒரே படத்தில் உயர்ந்த சாரா அர்ஜுன் சம்பளம்

• 
  சாந்தனு, அஞ்சலி நாயர் நடிப்பில் ‛மெஜந்தா'
• 
  முதல் படம் திரைக்கு வரும் முன்பே 3 ஹிந்தி படங்களில் நடிக்கும் ஸ்ரீ லீலா!
• 
  ஜனவரி 1ம் தேதி முதல் புதுக்கட்டுப்பாடு : தியேட்டர் அதிபர் சங்கம் முடிவு
• 
  சிறை டிரைலர் வெளியீடு
• 
  ஜனநாயகன் படத்தின் டீசர் எப்போது