ஜுன் 5, 6ல் 4 படங்கள் ரிலீஸ்

03 ஜூன், 2025 - 12:55 IST

0 கருத்துகள் கருத்தைப் பதிவு செய்ய

எழுத்தின் அளவு:

2025ம் ஆண்டின் இரண்டாம் கட்ட சினிமாப் பயணம் இந்த வாரம் ஆரம்பமாகிறது என்று சொல்லலாம். கடந்த மாதத்துடன் 100 படங்கள் வெளிவந்த எண்ணிக்கையை இந்த வருடம் கடந்தது.

இந்த ஜுன் மாதத்தின் முதல் வராமே மிகப் பிரம்மாண்டமான படத்துடன் ஆரம்பமாகிறது. கூடவே, மூன்று சிறிய படங்களும் வருகின்றன. ஜுன் 5ம் தேதி மணிரத்னம் இயக்கத்தில், ஏஆர் ரஹ்மான் இசையமைப்பில், கமல்ஹாசன், சிலம்பரசன், த்ரிஷா, அசோக் செல்வன், அபிராமி மற்றும் பலர் நடித்துள்ள 'தக் லைப்' பான் இந்தியா படமாக வெளியாகிறது. இருந்தாலும் கர்நாடகாவில் படம் வெளியாகுமா இல்லையா என்பது கர்நாடகா உயர்நீதிமன்றம் வழக்கு விசாரணையை எடுத்த பிறகே தெரிய வரும்.

அதே ஜுன் 5ம் தேதி சிவபிரகாஷ் இயக்கத்தில், இளையராஜா இசையமைப்பில், விஜித் பச்சான், ஷாலி நிவேகாஸ் மற்றும் பலர் நடித்துள்ள 'பேரன்பும் பெருங்கோபமும்' படம் வெளியாகிறது. இயக்குனரும், நடிகருமான தங்கர்பச்சான் மகன் விஜித் பச்சான் இந்தப் படத்தில் நாயகனாக நடித்துள்ளார்.

ஜுன் 6ம் தேதி, 'பரமசிவன் பாத்திமா, மெட்ராஸ் மேட்னி' ஆகிய படங்கள் வெளியாகின்றன. 'பரமசிவன் பாத்திமா' படத்தை இசக்கி கார்வண்ணன் இயக்க, தீபன் சக்கரவர்த்தி இசையமைக்க, விமல், சாயாதேவி மற்றும் பலர் நடித்துள்ளார். 'மெட்ராஸ் மேட்னி' படத்தில் காளி வெங்கட், ரோஷினி ஹரிப்ரியன், ஷெல்லி கிஷோர் ஆகியோருடன் சத்யராஜ் முக்கிய கதாபாத்திரம் ஒன்றில் நடித்துள்ளார்.

'தக் லைப்' படத்துடன் மற்ற மூன்று சிறிய படங்களும் தாக்குப் பிடிக்குமா அவற்றிற்கு நிறைவான தியேட்டர்கள் கிடைக்குமா என்பதைப் பொறுத்தே வசூல் இருக்கும். படம் வெளிவந்த பின்புதான் அதற்கான ரிசல்ட் கிடைக்கும்.

Thuglife

paramasivanfathima

madrasmatinee

peranbumperungobamum

கருத்துகள் (0) கருத்தைப் பதிவு செய்ய

கன்னட, தமிழ் விவகாரம் : கமல் ...

பிளாஷ்பேக் : விசு இயக்கிய கமர்சியல் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய