Dinamalar

பிரபாஸ் ஜோடியாகும் அனிமல் பட நடிகை! சீன, கொரியன், ஜப்பானிஸ் மொழிகளிலும் ரிலீசாகும் ‛ஸ்பிரிட்'

'அர்ஜுன் ரெட்டி' படம் மூலம் தனது அறிமுகப்படத்திலேயே தெலுங்குத் திரையுலகத்தில் பரபரப்பை ஏற்படுத்தியவர் சந்தீப் ரெட்டி வங்கா. பின்னர் அந்தப் படத்தில் ஹிந்தியில் 'கபீர் சிங்' என்ற பெயரில் ரீமேக் செய்து இயக்கினார். அதற்கடுத்து ஹிந்தியில் அவர் இயக்கி 2023ல் வெளிவந்த 'அனிமல்' படமும் பரபரப்பை ஏற்படுத்தியது. கடுமையான வன்முறைக் காட்சிகள் நிறைந்த படம் என்று விமர்சிக்கப்பட்டது. இருந்தாலும் 900 கோடி வரை வசூலித்தது.

அப்படத்திற்குப் பிறகு பிரபாஸ் நாயகனாக நடிக்க உள்ள 'ஸ்பிரிட்' படத்தை இயக்கும் வேலைகளில் இறங்கினார். அப்படத்தின் நாயகியாக 'அனிமல்' படத்தில் நடித்த திரிப்தி டிம்ரி நடிக்க உள்ளதாக நேற்று அதிகாரப்பூர்வமாக அறிவித்தார்கள். அந்த அறிவிப்பில் படம் எந்த மொழிகளில் வெளியாக உள்ளதோ அந்த மொழிகளில் எல்லாம் அவரது பெயரைக் குறிப்பிட்டு போஸ்டரை வெளியிட்டிருந்தார்கள். அதில் சீன, கொரியன், ஜப்பானிஸ் மொழிகளும் இடம் பெற்றுள்ளன.

இந்தியாவில் உருவாக்கப்படும் பெரிய படங்களை ஹிந்தி, தமிழ், தெலுங்கு, கன்னடம், மலையாளம் ஆகிய மொழிகளில்தான் ஒரே சமயத்தில் வெளியிடுவார்கள். 'புஷ்பா 2' படத்தை பெங்காலி மொழியில் கூடுதலாக வெளியிட்டார்கள். இப்போது 'ஸ்பிரிட்' படத்தை ஆங்கிலம், சீன, கொரியன், ஜப்பானிஸ் மொழிகளில் ஒரே நேரத்தில் வெளியிட உள்ளார்கள். இதன் மூலம் பான் வேர்ல்டு வரை போக உள்ளார்கள்.

• செய்திகள்
• ஆல்பம்
• வீடியோ
• வந்த படங்கள்
• வரவிருக்கும் படங்கள்

• 
  பிரதமரின் வேண்டுகோளை ஏற்று வந்தே பாரத்தில் பயணித்த அனுபம் கெர்
• 
  கேன்ஸ் விழாவில் ஆலியாவுக்கு நேர்ந்த சங்கடம் ; ஆதரவாக குரல் கொடுத்த சோனு ...
• 
  துரந்தர் 2 : ஓயே ஓயே பாடலுக்கு தடை விதிக்க நீதிமன்றம் மறுப்பு
• 
  துரந்தர் 2 : ஓடிடி வெளியீடு இரண்டு வாரம் தள்ளி வைப்பு
• 
  பெண் ஓவியரின் பயோபிக்கில் நடிக்கும் அஞ்சலி சிவராமன்

• 
  புடவைகள் மீது பிரியம் கொண்ட திரிஷா- ஆடை வடிவமைப்பாளர் ஹர் ஷேன்
• 
  ஏ.ஆர்.ரஹ்மான் நேரலை நிகழ்ச்சியின் பாரம்பரிய பூஜை விழா நடைபெற்றது!
• 
  'எல்லோ எல்லோ டர்ட்டி பெல்லோ' படத்தின் பர்ஸ்ட் லுக்: விஷ்ணு விஷால் ...
• 
  சூர்யா படங்களின் வசூலில் முதலிடம் பிடித்த 'கருப்பு'
• 
  எளிமையாக விமானத்தில் சென்றாலும் விமர்சனமா?