Dinamalar

‛‛எனக்கு பிடித்த மதுரையும், மீனாட்சி அம்மனும்...'': ஐஸ்வர்யா லட்சுமி நெகிழ்ச்சி

சூரி நடிப்பில் பிரஷாந்த் பாண்டியராஜ் இயக்கத்தில் உருவாகியுள்ள திரைப்படம் ‛மாமன்'. இப்படத்தில் சூரிக்கு ஜோடியாக மலையாள திரையுலகின் பிரபல நடிகை ஐஸ்வர்யா லட்சுமி நடித்துள்ளார். நேற்று முன்தினம் (மே 16) ரிலீசானது. இதனையடுத்து மதுரை மீனாட்சி அம்மன் கோவிலில் படத்தின் நாயகி ஐஸ்வர்யா லட்சுமி சாமி தரிசனம் செய்வதற்காக வருகை தந்திருந்தார். அவருடன் அங்கு இருந்த ரசிகர்கள், பெண்கள் புகைப்படங்களை எடுத்தனர்.

தொடர்ந்து செய்தியாளர்களை சந்தித்து ஐஸ்வர்யா லட்சுமி கூறும்போது, ‛‛ என்னுடைய இரண்டாவது திரைப்படம் ‛மாயாநதி' படத்தில் நடிக்கும் போது இருந்து மதுரை வருகிறேன். அந்த படத்தின் படப்பிடிப்பு இங்கு தான் துவங்கியது. என் அனைத்து படங்களின் படப்பிடிப்பும் துவங்குவதற்கு முன்பாக மீனாட்சி அம்மன் கோவில் வந்து தரிசனம் செய்வதை வழக்கமாகக் கொண்டுள்ளேன்.
21ம் தேதி முதல் என் புதிய படத்திற்கான படப்பிடிப்பு துவங்க இருக்கிறது. அதற்காக தான் தற்போது மீனாட்சி அம்மன் கோவிலில் சாமி கும்பிட வந்திருக்கிறேன். எனக்கு மீனாட்சி அம்மா மிகவும் பிடிக்கும்.

மாமன் படம் திரையரங்கில் ஓடிக் கொண்டிருக்கிறது. அது ஒரு குடும்ப படம். அனைவருக்கும் பிடிக்கும் நன்றாக ஓடும் என நம்புகிறேன். தமிழ் திரையுலகில் தான் எனக்கு அதிகமான வாய்ப்புகள் வருகிறது. தமிழில் தான் நிறைய படங்கள் பண்ணிக் கொண்டிருக்கிறேன். தக் லைப் டிரைலர் நேற்று வெளியாகி அனைவரிடமும் நல்ல வரவேற்பை பெற்றுள்ளது; ஹாலிவுட் திரைப்பட போல உள்ளது.

மதுரை மற்றும் மீனாட்சி அம்மாவை எனக்கு ரொம்ப பிடிக்கும். மதுரைக்கு வந்து திரும்ப செல்லும்போது தான் கஷ்டமாக இருக்கும். மதுரைக்கு எப்போது வந்தாலும் கோவிலுக்கு தான் அதிகமாக செல்ல முடியும். நான் வெஜிடேரியன் அதனால், மதுரை அசைவ உணவுகளை நான் இன்னும் சாப்பிட்டது கிடையாது; சைவ உணவு தான் சாப்பிட்டிருக்கிறேன். நல்ல படங்களில் நடிக்க வேண்டும் என்பதுதான் ஆசை'' எனக் கூறினார்.

• 
  மகன் இயக்கியுள்ள படம் குறித்து ஷாருக்கானின் நேர்மையான விமர்சனம்
• 
  ஸ்ரீ லீலாவை ஆலியா பட்டுக்கு போட்டியாக சித்தரிக்கும் பாலிவுட் ஊடகங்கள்!
• 
  பலாத்காரம் செய்யப்பட்டாலும் பெண்களைத்தான் குறை சொல்கிறார்கள்! -கங்கனா ...
• 
  கூலி படத்தில் அமீர்கானை வீணடித்து விட்டார்கள் : ரசிகர்கள் ஆதங்கம்
• 
  லிவ்-இன் உறவுகள் பெண்களுக்கு தீங்கு விளைவிக்கும் : கங்கனா

• 
  பிளாஷ்பேக் : 250வது படத்தில் சிவாஜிக்கு ஏவிஎம் செய்த மரியாதை
• 
  பிளாஷ்பேக் : தாஜ்மஹாலில் படப்பிடிப்பு நடந்த முதல் தமிழ் படம்
• 
  நடிகர் சங்கத்தில் இருந்து விலகியவர்கள் திரும்ப வேண்டும் : தலைவி ஸ்வேதா ...
• 
  ஆணவ கொலை பின்னணியில் உருவாகும் 'நெல்லை பாய்ஸ்'
• 
  நெகட்டிவ் விமர்சனங்கள் கூலி வசூலை பாதிக்கிறதா?