அட்லி படத்திற்கு அல்லு அர்ஜுனின் புதிய கோச் இவர்தான்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

05 மே, 2025 - 10:57 IST

எழுத்தின் அளவு:

புஷ்பா 2 படத்தின் வெற்றியை தொடர்ந்து அடுத்ததாக அல்லு அர்ஜுன், இயக்குனர் அட்லி இயக்கத்தில் நடிக்க இருக்கிறார். ஹிந்தியில் ஜவான் என்கிற வெற்றி படத்தைக் கொடுத்துவிட்டு, மீண்டும் தமிழுக்கு வராமல் தெலுங்கில் சென்று கால் பதித்துள்ளார் இயக்குனர் அட்லி. இருவருமே ஆயிரம் கோடி வசூல் படங்களை தந்து விட்டு ஒன்றாக இணைவதால் இந்த படத்திற்கு மிகப்பெரிய எதிர்பார்ப்பு இருந்துள்ளது. இந்த படத்தில் அல்லு அர்ஜுனின் கதாபாத்திரத்திற்காக உருவத்தோற்றம் உடலமைப்பில் நிறைய மாற்றங்கள் செய்ய வேண்டி இருக்கிறதாம். இதற்காக தற்போது அல்லு அர்ஜுனின் ஸ்பெஷல் கோச்சாக லாய்டு ஸ்டீவன் என்பவர் நியமிக்கப்பட்டுள்ளார்.

இவர் வெளிநாட்டை சேர்ந்தவர் என்றாலும் இவர் இந்திய சினிமாவிற்கு ஒன்றும் புதியவரல்ல. ஏற்கனவே ரன்வீர் சிங், மகேஷ்பாபு போன்றவர்களுக்கு கோச் ஆக பணியாற்றியவர் தான். ஆர்ஆர்ஆர் படத்தில் ஜூனியர் என்டிஆர்-க்கும் இவர்தான் கோச்சாக பணியாற்றினார். தற்போது அல்லு அர்ஜுனுக்கு கோச் ஆக மாறியுள்ளார். இவரைப் பொறுத்தவரை ரக்பி மற்றும் கிரிக்கெட் விளையாட்டில் தீவிர பயிற்சி பெற்றவர். அதுமட்டுமல்ல நீச்சல் மற்றும் கடல் தொழில்நுட்பத்திலும் கைதேர்ந்தவர். இவர்தான் அட்லி படம் முழுவதும் அல்லு அர்ஜுனுக்கு கோச்சாக பணியாற்ற இருக்கிறார். அல்லு அர்ஜுனுடன் தான் எடுத்த புகைப்படம் ஒன்றை சோசியல் மீடியாவில் பகிர்ந்து கொண்டு இதை உறுதிப்படுத்தியுள்ளார் ஸ்டீவன் லாய்டு.

Alluarjun

Atlee

lloydstevens

கருத்துகள் (0) கருத்தைப் பதிவு செய்ய

விஜய்யின் ‛ஜனநாயகன்' ...

இந்தியப் படங்களுக்கு சிக்கல் : ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய