Dinamalar

மலையாள படத்திற்காக பஹத் பாசிலுடன் மோதும் அர்ஜுன் தாஸ்

கைதி படம் மூலம் மிரட்டலான வில்லத்தனம் மற்றும் வித்தியாசமான குரல் உச்சரிப்பு ஆகியவற்றால் ரசிகர்களிடம் பிரபலமானவர் நடிகர் அர்ஜுன் தாஸ். தொடர்ந்து லோகேஷ் கனகராஜ் படங்களில் முக்கிய இடம் பிடித்து வரும் இவர் கதாநாயகனாகவும் மாறி அநீதி, ரசவாதி உள்ளிட்ட படங்களில் நடித்தார். இதில் ரசவாதி படத்தில் சிறப்பான நடிப்பை வெளிப்படுத்தியதற்காக அர்ஜுன் தாஸுக்கு தாதா சாஹேப் பால்கே விருது அறிவிக்கப்பட்டுள்ளது. சமீபத்தில் அஜித் நடிப்பில் வெளியான குட் பேட் அக்லி திரைப்படத்தில் முதன்முறையாக மெயின் வில்லன் கதாபாத்திரத்தில் நடித்ததுடன் இரட்டை வேடங்களில் நடித்தும் அசத்தியிருந்தார்.

இந்த நிலையில் நடிகர் பஹத் பாசில் மலையாளத்தில் நடிக்கும் டார்பிட்டோ என்கிற படத்தில் அவருக்கு வில்லனாக நடிக்கிறார் அர்ஜுன் தாஸ். சமீபத்தில் மோகன்லால் நடிப்பில் வெளியாகி வெற்றிகரமாக ஓடிக்கொண்டிருக்கும் தொடரும் படத்தை இயக்கிய இயக்குனர் தருண் மூர்த்தி தான் இந்த புதிய படத்தை இயக்குகிறார். இவர்கள் இருவர் தவிர பிரேமலு புகழ் நடிகர் நஸ்லேனும் இந்த படத்தில் ஒரு முக்கிய கதாபாத்திரத்தில் நடிக்கிறார் என அதிகாரப்பூர்வமாக அறிவிக்கப்பட்டுள்ளது.

ஏற்கனவே அகமது கபீர் என்பவர் இயக்கத்தில் உருவாகும் படத்தில் கதாநாயகனாக நடிப்பதன் மூலம் மலையாளத்தில் நுழைந்துள்ள அர்ஜுன் தாஸ், தற்போது பஹத் பாசிலுடன் நடிக்கும் இந்த படத்தின் மூலம் மலையாளத் திரையுலகிலும் தனக்கென ஒரு இடத்தை பிடிப்பார் என எதிர்பார்க்கலாம்.

• 
  மகன் இயக்கியுள்ள படம் குறித்து ஷாருக்கானின் நேர்மையான விமர்சனம்
• 
  ஸ்ரீ லீலாவை ஆலியா பட்டுக்கு போட்டியாக சித்தரிக்கும் பாலிவுட் ஊடகங்கள்!
• 
  பலாத்காரம் செய்யப்பட்டாலும் பெண்களைத்தான் குறை சொல்கிறார்கள்! -கங்கனா ...
• 
  கூலி படத்தில் அமீர்கானை வீணடித்து விட்டார்கள் : ரசிகர்கள் ஆதங்கம்
• 
  லிவ்-இன் உறவுகள் பெண்களுக்கு தீங்கு விளைவிக்கும் : கங்கனா

• 
  மோதிரக் கையால் குட்டுப்பட்டு கதாநாயகியாக அறிமுகமாகும் மகேஷ்பாபுவின் ...
• 
  தொடர்ந்து ஆர்வத்தை தூண்டும் மம்முட்டியின் ‛கலம்காவல்' பட போஸ்டர்கள்
• 
  அரசு பேருந்து ஓட்டி தொகுதி மக்களை குஷிப்படுத்திய பாலகிருஷ்ணா
• 
  பெண்கள் பொறுப்பு குறித்த சர்ச்சை பேச்சால் கண்டனத்துக்கு ஆளான விக்ரம் பட ...
• 
  த்ரிவிக்ரம், வெங்கடேஷ் புதிய கூட்டணி!