Dinamalar

மே ரிலீஸ் பட்டியலில் ஒவ்வொன்றாய் சேரும் படங்கள்

தமிழ் சினிமாவில் படங்களை வெளியடுவதற்கான சரியான ஒரு நாளைத் தேடிப் பிடிப்பது என்பது பெரிய விஷயமாக மாறிவிட்டது. பெரிய நடிகர்களின் படங்கள் வெளிவந்தால் அதற்கு ஒரு வாரம் முன்பும், ஒரு வாரம் பின்பும் படங்களை வெளியிட முடிவதில்லை. சிறிய படங்களை வெளியிட சரியானதொரு இடைவெளிக்காகக் காத்திருக்க வேண்டியிருக்கிறது.

நாளை 'ரெட்ரோ' என்ற பெரிய படம் வந்தாலும், கூடவே 'டூரிஸ்ட் பேமிலி' என்ற சிறிய படத்தையும் தைரியமாக வெளியிடுகிறார்கள். 'ரெட்ரோ' படத்திற்குப் போக மீதி கிடைத்த தியேட்டர்களில்தான் 'டூரிஸ்ட் பேமிலி' வெளியாகிறது.

அடுத்த வாரம் மே 9ம் தேதிக்கும் சில பல படங்களை வெளியிட முடிவு செய்துள்ளார்கள். அவை சிறிய படங்களாகத்தான் இருக்கப் போகிறது. அதற்கடுத்து மே 16ம் தேதி சந்தானம் நடித்துள்ள 'டிடி நெக்ஸ்ட் லெவல்' படமும், சூரி நடித்துள்ள 'மாமன்' படமும், நவீன் சந்திரா நடித்துள்ள 'லெவன்' படமும் வெளியாக உள்ளன.

அதற்கடுத்த வாரத்தில் விஜய் சேதுபதி நடித்துள்ள 'ஏஸ்' படமும், சண்முகப்பாண்டியன் நடித்துள்ள 'படை தலைவன்' படமும் வெளியாக உள்ளது. கவுதமன் நடித்துள்ள 'படையாண்ட மாவீரா' படமும் அதே தேதியில் வெளியாக உள்ளதென தற்போது அறிவித்துள்ளார்கள்.

மே மாதம் நாளை ஆரம்பிக்க உள்ள நிலையில் கோடை விடுமுறைக் காலம் என்பதால் படத்தை வெளியிட பலரும் தயாராகி வருகிறார்கள். அதனால், மே ரிலீஸ் பட்டியலில் புதிது புதிதாக படங்கள் சேர்ந்து வருகின்றன.

• 
  தேனீ வாயில் புகுந்ததால் கரிஷ்மா முன்னாள் கணவர் மரணம்?
• 
  இரண்டு மனைவிகளுடன் விவகாரத்து : வெளிப்படையாகப் பேசிய அமீர்கான்
• 
  கரிஷ்மா கபூர் முன்னாள் கணவர் திடீர் மரணம்
• 
  'பெங்கால் பைல்ஸ்' என டைட்டில் மாற்றப்பட்ட 'டெல்லி பைல்ஸ்'
• 
  தந்தையின் 70வது பிறந்தநாளில் 75 பாட்மின்டன் பயிற்சி மையங்களை துவங்கிய ...

• 
  வாழைப்பழக் கடை நடத்தியவரின் மகன் இன்று பிரபாஸ் பட இயக்குனர்
• 
  பவன் கல்யாண் நடிக்கும் படத்தை இயக்க தனுஷ் விருப்பம்
• 
  பிளாஷ்பேக்: சிவாஜியின் வசனம், டி எம் எஸ் பேசிப் பாடி, சிறப்பித்த ...
• 
  குபேரா : தமிழ் டிரைலரை ஓவர்டேக் செய்யும் தெலுங்கு டிரைலர்
• 
  லோகேஷ் கனகராஜ் இயக்கும் ‛கைதி -2' படத்தில் நடிக்கவில்லை! -அனுஷ்கா மறுப்பு