Dinamalar

பிளாஷ்பேக்: இரண்டு ஆக்சன் ஹீரோக்கள் மோதிய 'நல்ல நாள்'

1980களின் நடுப்பகுதியில் விஜயகாந்தும், தியாகராஜனும் ஆக்சன் ஹீரோக்களாக வலம் வந்து கொண்டிருந்தார்கள். இருவரையும் இணைத்து ஒரு பெரிய ஆக்சன் படத்தை தயாரிக்க முன் வந்தது தேவர் பிலிம்ஸ். இருவரும் தனித்தனி ஹீரோக்களாக நடித்துக் கொண்டிருந்தாலும் அன்றைக்கு தேவர் பிலிம்ஸ்க்கு இருந்த சில பொருளாதார சிக்கல்கள் காரணமாக இணைந்து நடிக்க முன்வந்தார்கள்.

1984ம் ஆண்டு தியாகராஜன் இயக்கத்தில் விஜயகாந்த், நளினி நடித்து வெளியான படம் 'நல்ல நாள்'. இப்படத்தில் இரண்டு பேருமே ஹீரோக்கள் தான். ஆனால் அவர்கள் அடிக்கடி மோதுவதற்கான காரணம் இருந்தது. தனது தந்தையை கொன்ற தியாகராஜனின் தந்தையை கொன்று விட்டு சிறுவர் செயலுக்கு சென்று விடுவார் விஜயகாந்த். தனது தந்தையை கொன்ற விஜயகாந்தை பழிவாங்க அவர் விடுதலை நோக்கி காத்திருப்பார் தியாகராஜன்.
விஜயகாந்தின் தங்கை நளினியை தியாகராஜன் காதலிப்பார், விஜயகாந்த் விஜியை காதலிப்பார். விஜயகாந்த்தும் தியாகராஜனும் ஒருவரை ஒருவர் பழி தீர்க்க திட்டமிடுவார்கள், செயல்படுவார்கள். அதற்கு இரண்டு பேருக்குமே நியாயமான காரணம் இருந்ததுதான் திரைக்கதையின் சிறப்பு.

எல்லா காட்சிகளிலுமே விஜயகாந்துக்கும் தியாகராஜனுக்கும் சம பங்கு இருந்தது. யாருமே அடக்க முடியாத ஒரு குதிரை தியாகராஜன் அடக்குவார். அதேபோல விஜயகாந்த் ஒரு புலியை அடக்குவார். இந்த இரு காட்சிகளுமே அப்போது பெருமையாக பேசப்பட்டது. படமும் ஆக்சன் காட்சிகளுக்காகவே வெற்றி பெற்றது.

இளையராஜா இசையமைத்து இருந்தார். இந்தப் படம் ஹாலிவுட்டில் வெளிவந்து கொண்டிருந்த கௌபாய் படங்களில் சாயலில் இருந்ததால் மேற்கத்திய இசையின் வடிவத்திலேயே இளையராஜா பின்னணி இசை அமைத்திருந்தார். தேவர் பிலிம்ஸ் வெற்றி படங்களில் இந்த படமும் இணைந்தது.

• செய்திகள்
• ஆல்பம்
• வந்த படங்கள்

• 
  காதல், கனவுகள், மனித தொடர்புகளை 'தோ தீவானே சேஹர் மெய்ன்' பேசும் : ...
• 
  விஜய் பட நடிகைக்கு நேரில் ஆஜராக நீதிமன்றம் பிடி வாரண்ட்
• 
  என் சினிமா வாழ்க்கையே முடிந்தது என நினைத்தேன் ; அக்ஷய் குமார் வெளியிட்ட ...
• 
  'துரந்தர்' 2ம் பாகத்தை ஆவலுடன் எதிர்பார்க்கிறேன்! - பாலிவுட் நடிகர் ...
• 
  சல்மான் கான் படத்திலிருந்து காதலர் தின ஸ்பெஷலாக வெளியிடப்பட்ட பாடல்

• 
  தயாரிப்பாளர்களை குழியில் தள்ளும் இயக்குனர்கள் : சேரன் பரபரப்பு பேச்சு
• 
  'டூரிஸ்ட் பேமிலி' பாணி கதையில் ஹிந்தியில் நடிக்கும் பிரியாமணி
• 
  நானாக வாய்ப்பு கேட்ட ஒரே இயக்குனர் இவர்தான் ; மிருணாள் தாகூர்
• 
  பிளாஷ்பேக் : அக்கா அளவுக்கு சாதிக்க முடியாமல் போன தங்கை
• 
  சினிமாவிற்கு வரும் புதிய இரட்டை இசை அமைப்பாளர்கள்