Dinamalar

பிளாஷ்பேக்: சினிமாவை உதறிவிட்டு ராணுவத்திற்கு சென்ற நடிகர்

ராணுவத்தில் பணியாற்றி விட்டு பின்னர் சினிமாவுக்கு வந்தவர்கள் நிறைய பேர் இருக்கிறார்கள். ஆனால் சினிமாவில் பிசியாக நடித்துக் கொண்டிருந்தபோதே அதை உதறிவிட்டு ராணுவத்தில் சேர்ந்தவர் கிருஷ்ணமூர்த்தி.

கிருஷ்ணமூர்த்தி பாரம்பரிய இசை குடும்பத்தை சேர்ந்தவர். அக்காலத்தில் பிரபலமான 'சுகுண விலாச சபை 'என்ற நாடகக் குழுவில் சேர்ந்து தனது 7வது வயதிலிருந்து நடிக்கத் தொடங்கினார். இவர் நடித்த 'பிரகலாதா' என்ற நாடகம் திரைப்படமானபோது அதில் கிருஷ்ணமூர்த்தி பிரகலாதனாக நடித்து சினிமாவில் அறிமுகமானார். டி. சி. வடிவேல் நாயக்கர் இயக்கியிருந்தார்.

கிருஷ்ணமூர்த்தியின் தந்தை தனது குடும்பத்தினரின் பாடல்களை இசைத்தட்டுகளில் வெளியிடுவதற்காகவே "சைனிங் ஸ்டார் சொசைட்டி" என்ற நிறுவனத்தை தொடங்கி அதன் மூலம் சில நாடகங்களைத் தயாரித்தார். அவற்றில் கிருஷ்ணமூர்த்தியும் அவரது குடும்பத்தினரும் பாடி, நடித்தனர். அதோடு இந்த நிறுவனம் ஏகநாத், சக்திமாயா ஆகிய திரைப்படங்களைத் தயாரித்து வெளியிட்டது. இவற்றிலும் கிருஷ்ணமூர்த்தியும் அவரது சகோதரரும் நடித்தனர்.

1941ம் ஆண்டு வெளிவந்த ஜெமினியின் 'மதனகாம ராஜன்' திரைப்படத்தில் மந்திரி மகன் குணசீலனாக நடித்தார். இத்திரைப்படத்தில் இவர் பாடிய 'கதை ஒன்று சொல்லுவேன் கேள் பாவாய்' என்ற பாடல் மிகவும் பிரபலமானது. அதன்பிறகு என் மகன், தியாகி, உதயணன் வாசவத்தா, கோகுலதாசி, வினோதினி ஆகிய படங்களில் நடித்தார்.

அடிப்படையில் டேபிள் டென்னிஸ் விளையாட்டு வீரரான இவர் உடலை பிட்டாக வைத்துக் கொள்வதில் கவனம் செலுத்தினார். இரண்டாம் உலக போர் தொடங்கியபோது நடிப்பதை கைவிட்டு ராணுவத்தில் சேர்ந்தார். போர் முடிந்ததும், டில்லி அகில இந்திய வானொலியில் சேர்ந்து பணியாற்றினார்.

• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...
• 
  சர்ச்சைக்குரிய காட்சிகளை நீக்க தணிக்கை வாரியம் உத்தரவு: ‛பூலே' ...

• 
  மீரா ஜாஸ்மின் பெயர் என் காதுகளில் ஒலிக்காத நாளே இல்லை ; சிலாகித்த நயன்தாரா
• 
  கேரள முதல்வரின் சொந்த ஊர் கலைநிகழ்ச்சியில் கலந்து கொண்ட ...
• 
  கிடப்பில் இருக்கும் பிரபுதேவா படத்தை வெளியிட முயற்சி
• 
  உருட்டு உருட்டு : நாகேஷ் பேரன் நாயகனாக நடிக்கும் படம்
• 
  இசை அமைப்பாளர் பயணம் தொடரும் : சக்திஸ்ரீ கோபாலன்