Dinamalar

'ஸ்டன்ட் டிசைன்' ஆஸ்கர் விருது அறிவிப்பு: ராஜமவுலி மகிழ்ச்சி

2028ம் ஆண்டு நடைபெற உள்ள 100வது ஆஸ்கர் விருது வழங்கும் விழாவில் 'ஸ்டன்ட் டிசைன்' பிரிவு சேர்க்கப்படுகிறது. இது குறித்த அதிகாரப்பூர்வ அறிவிப்பை 'த அகாடமி' அவர்களது எக்ஸ் தளத்தில் அதிகாரப்பூர்வமாக அறிவித்துள்ளது.

அதற்கு நன்றி தெரிவித்து தெலுங்கு இயக்குனர் ராஜமவுலி, “இறுதியாக…100 வருட காத்திருப்புக்குப் பிறகு…2027ல் வெளியாகும் படங்களுக்கான புதிய ஆஸ்கர் ஸ்டன்ட் வடிவமைப்பு பிரிவுக்காக மகிழ்ச்சி. இந்த வரலாற்று அங்ககீகாரத்தை சாத்தியமாகக்கிய டேவிட் லீட்ச், கிறிஸ் ஓ ஹாரா மற்றும் ஸ்டன்ட் சமுகத்திற்கும், ஸ்டன்ட் வேலையின் சக்தியை கவுரவித்த 'த அகாடமி' தலைமை நிர்வாக அதிகாரி பில் கிராமர் மற்றும் தலைவர் ஜேனட் யாங் ஆகியோருக்கும் மிகப் பெரிய நன்றி.

இந்த அறிவிப்பில் 'ஆர்ஆர்ஆர்' படத்தின் அதிரடி காட்சி பிரகாசிப்பதைக் கண்டு மகிழ்ச்சியடைந்தேன்,” என்று குறிப்பிட்டுள்ளார்.

'த அகாடமி' வெளியிட்ட அறிவிப்பில் 'ஆர்ஆர்ஆர்' படத்தில் இடம் பெற்ற புலியுடன் ஜுனியர் என்டிஆர் மோதும் சண்டைக் காட்சியின் புகைப்படம் இடம் பெற்றுள்ளது.

'ஆர்ஆர்ஆர்' படத்தில் இடம் பெற்ற 'நாட்டு நாட்டு' பாடல் 95வது ஆஸ்கர் விருதுகளில் 'சிறந்த ஒரிஜனல் பாடல்' பிரிவில் ஆஸ்கர் விருது வென்றது குறிப்பிட வேண்டிய ஒன்று.

• 
  ஒரே வாரத்தில் ஆயிரம் கோடி வசூல் செய்த துரந்தர் 2
• 
  போலி 'ஏஐ' வீடியோக்கள் : 'துரந்தர்' இயக்குனர் ஆதித்ய தர் எச்சரிக்கை
• 
  எனது நடிப்பில் பன்முகத் திறமையை வெளிப்படுத்த விரும்புகிறேன் : ராஜ்பால் ...
• 
  மகளை முத்தமிட்டது தவறா?: பாலிவுட் நடிகர் வேதனை
• 
  இயக்குனர் மீது 'கும்பமேளா' புகழ் மோனலிசா பாலியல் புகார்

• 
  பாலிவுட்டில் கவனம் செலுத்தும் ராஷி கண்ணா
• 
  பவிஷின் ‛லவ் ஓ லவ்' முதல்பார்வை வெளியீடு
• 
  நேரடி ஓடிடி ரிலீஸ் : விஜய் சேதுபதி நடிக்கும் காட்டான் முதல் வரிசை கட்டும் ...
• 
  ஐஸ்வர்யா ராய் பார்த்து நடிக்க ஆசைப்பட்டேன்: அபிநயா
• 
  கோவாவில் செட்டில் ஆகிறாரா ரவிமோகன்