பிளாஷ்பேக்: மகனுக்காக இயக்குனராக மாறிய நாகேஷ்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

29 மார், 2025 - 01:44 IST

எழுத்தின் அளவு:

தமிழ் சினிமாவில் தவிர்க்க முடியாத ஆளுமை நாகேஷ். கதாநாயகன், காமெடியன், வில்லன், குணசித்ர நடிகன் என பன்முகம் கொண்டவர். சினிமா பற்றிய ஞானம் கொண்டவர். அப்படிப்பட்டவர் கே.பாலச்சந்தர் உள்ளிட்ட பலர் வற்புறுத்தியும் படம் எதையும் இயக்கவில்லை. "நான் ஜாலியான ஆளு, டைரக்ஷன் டென்ஷனான வேலை அது எனக்கு சரிப்பட்டு வராது" என்று கூறிவிடுவார்.

அப்படி இருந்தும் அவர் ஒரே ஒரு படத்தை இயக்கினார். அந்த படம் 'பார்த்த ஞாபகம் இல்லையோ'. இது அவர் தன் மகனுக்காக இயக்கியது. மகன் ஆனந்த் பாபு சினிமாவில் அறிமுமாகி மளமளவென பல படங்களில் நடித்தார். ஒரு கட்டத்தில் அவருக்கு வாய்ப்புகள் குறைந்தன. ஒரு வெற்றிப் படத்தின் மூலம் அவரை தூக்கி நிறுத்த வேண்டிய கடமை அப்பா நாகேஷிற்கு இருந்தது. அதனால் அவர் முதன் முறையாக இயக்குனராக மாறி இந்த படத்தை இயக்கினார்.

இந்த படத்தில் ஆனந்த் பாபுவுடன் ரம்யா கிருஷ்ணன், ராதாரவி, தேங்காய் சீனிவாசன், ஆர்.எஸ்.மனோகர் உள்பட பலர் நடித்திருந்தார்கள். இரட்டை சகோதரிகள் சிறு வயதிலேயே பிரிந்து விடுகிறார்கள். ஒருத்தி பணக்கார வீட்டிலும், இன்னொருத்தி ஏழை வீட்டிலும் வளர்க்கப்படுகிறார்கள். இருவரையும் வைத்து ஆள்மாறாட்ட கதையாக காமெடி கலந்து படம் உருவானது. ஆனால் படம் எதிர்பார்த்த வெற்றியை பெறவில்லை. நாகேசும் தொடர்ந்து படம் இயக்கவில்லை.

Nagesh

Anandbabu

கருத்துகள் (0) கருத்தைப் பதிவு செய்ய

பிளாஷ்பேக்: தமிழ் திரைப்படமான ...

பெப்சிக்கு தமிழ் திரைப்பட நடப்பு ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய