Dinamalar

ஒவ்வொரு பக்கத்தில் இருந்தும் சினிமாவை அழிக்கிறார்கள்: ஸ்ரீகாந்த் வேதனை

ஸ்ரீ கணபதி பிலிம்ஸ் சார்பில் மை இண்டியா மாணிக்கம் தயாரிப்பில் உருவாகி உள்ள படம் 'கொஞ்சம் காதல் கொஞ்சம் மோதல்'. 1980களில் நெஞ்சமெல்லாம் நீயே, உதயகீதம், கீதாஞ்சலி, உயிரே உனக்காக உனக்காகவே வாழ்கிறேன், பாடு நிலாவே போன்ற சூப்பர் ஹிட் படங்களை கொடுத்த கே.ரங்கராஜ் நீண்ட இடைவெளிக்கு பிறகு தற்போது இந்த படத்தை இயக்கி உள்ளார். இதில் ஸ்ரீகாந்த், புஜிதா பொன்னாடா நடித்துள்ளனர். இந்த படம் வருகிற மார்ச் 14ம் தேதி வெளியாகிறது.

இந்நிலையில் இப்படத்தின் இசை வெளியீட்டு விழா நடந்தது. இதில் நாயகன் ஸ்ரீகாந்த் பேசியதாவது: திரையுலகில் 25 வருடம் நிறைவு செய்துள்ளேன். நிறைய முன்னணி இயக்குனர்களுடன் வேலை செய்திருக்கிறேன். இப்போது ரங்கராஜ் சாரிடம் வேலை செய்து விட்டேன் அனைவரிடமும் வேலை செய்தது மகிழ்ச்சி.

சினிமா தவிர எனக்கு எதுவும் தெரியாது. கடைசி வரை சினிமாவில் இருக்கத் தான் ஆசைப்படுகிறேன், படத்தில் தம், தண்ணி, ஆடை பற்றி எல்லாம் நாம் பேசக் கூடாது, அது அவரவர் விருப்பம். எது பிடிக்கும், எது பிடிக்காது என மக்கள் முடிவு செய்யட்டும்.

எனக்குப் பிடித்த படம் 'சதுரங்கம்' அந்தப் படத்தை எப்படியோ கொன்று விட்டார்கள், ஆனால் 12 வருடம் கழித்து ஒரு படம் வெளியாகி மிகப்பெரிய வெற்றி பெறுகிறது, இதுதான் சினிமா. ஒவ்வொரு பக்கத்தில் இருந்தும் சினிமாவை அழிக்கிறார்கள். எல்லோரும் இணைந்து முதலில் சினிமாவை காப்பாற்ற வேண்டும். சினிமா தான் என் குடும்பம், இன்னும் நான் சினிமாவில் இருக்கிறதை பெருமையாக நினைக்கிறேன். இவ்வாறு ஸ்ரீகாந்த் பேசினார்.

• செய்திகள்
• ஆல்பம்
• வால் பேப்பர்கள்
• வந்த படங்கள்
• வரவிருக்கும் படங்கள்

• 
  முருகதாஸ், சல்மானின் ‛சிக்கந்தர்' பட டீசர் வெளியானது
• 
  கரண் ஜோஹர் தயாரிப்பில் படம் இயக்கும் மார்கோ இயக்குனர்
• 
  மனைவியுடன் விவாகரத்தா... : நடிகர் கோவிந்தா தரப்பு என்ன சொல்கிறார்கள்
• 
  கும்பமேளாவில் குடும்பத்துடன் நீராடிய ப்ரீத்தி ஜிந்தா
• 
  வைர ஆடையுடன் பிறந்தநாள் கொண்டாடிய ஊர்வசி ரத்தேலா

• 
  நாம ‛குட்'-ஆ இருந்தாலும் உலகம் ‛பேட்'-ஆக்குது : குட் பேட் அக்லி டீசர் ...
• 
  வாரிசு பட நடிகையான சம்யுக்தா விவாகரத்து
• 
  சசிகுமார் படத்தில் பரத்
• 
  கிங்ஸ்டன்-ல் விஷுவல் டிரீட் : திவ்ய பாரதி
• 
  தமிழைத் தொடர்ந்து தெலுங்கில் அறிமுகமாகும் அனுராக் காஷ்யப்